कैलासगडची स्वारी मंदिराच्या६६ वा वर्धापनदिन सोहळानिमित्त विविध कार्यक्रमाचे आयोजन अध्यक्ष सत्यजित जाधव यांची माहिती

कैलासगडची स्वारी मंदिराच्या६६ वा वर्धापनदिन सोहळानिमित्त विविध कार्यक्रमाचे आयोजन
अध्यक्ष सत्यजित जाधव यांची माहिती

कोल्हापूर/प्रतिनिधी : मंगळवार पेठ, खासबाग येथील कैलासगडची स्वारी मंदिराच्या ६६ वा वर्धापनदिन सोहळानिमित्त रविवार दिनांक २२ फेब्रुवारी ते सोमवार दिनांक ३ मार्च २०२६ या कालावधीमध्ये विविध कार्यक्रमाचे आयोजन केल्याची माहिती अध्यक्ष व नगरसेवक सत्यजित जाधव आणि उपाध्यक्ष केशव पोवार यांनी पत्रकार परिषदेत दिली.
कैलासगडची स्वारी मंदिराच्या ६६ वा वर्धापनदिनानिमित्त ज्ञानेश्वरी पारायण, प्रवचन, भजन, सांस्कृतिक कार्यक्रम व सामाजिक उपक्रमांचे आयोजन करण्यात आले आहे.रविवारी दि. २२ रोजी सायंकाळी सहा वाजता इस्कॉन नित्यानंद नगर संकीर्तन भक्तवृंद मंदिरच्या वतीने भगवद गीता पाठ कार्यक्रमाने सुरुवात होणार आहे. सोमवारी दि. २३ पासून व ह.भ.प.रामचंद्र यादव महाराज यांचे कृपाशिर्वादाने श्री ग्रंथराज ज्ञानेश्वरी पारायण व अखंड हरिनाम सप्ताह, प्रवचन व सांस्कृतिक कार्यक्रमांची सुरुवात होणार आहे. पारायणाची सांगता रविवार दि. १ मार्च रोजी काल्याचे किर्तन व प्रसाद वाटपाने होणार आहे.
सोमवारी ता. २ रोजी रात्री १० वा. शिवालय भजनी मंडळ यांचे भजन व मध्यरात्री १२ वा.रुद्र महाभिषेक व श्रींचे दर्शन आशीर्वाद धार्मिक विधीवत पुरोहितांच्या उपस्थितीत व भक्तांच्या उपस्थितीत होणार आहे. तसेच मंगळवार दि. ३ रोजी सकाळी ११ वाजता सत्यनारायण पूजा व प्रसाद वाटप आणि सायंकाळी ४.३० वा. मर्दानी खेळ व ५.३० वाजता पालखीचे सोहळ्यास सुरुवात होणार आहे. पालखी पूजन जगद्‌गुरु श्री श्री विद्या नृसिंह भारती शंकराचार्य महाराज (करवीर पीठ) यांच्या हस्ते व शिवसेना उपनेते माजी आमदार जयश्री चंद्रकांत जाधव यांच्या प्रमुख उपस्थितीत होणार आहे. शिवालय भजनी मंडळ यांचे भजन, धनगरी ढोल, झांजपथकाच्या गजरात पालखी सोहळा असून, पालखी समोर भव्य आतिषबाजी करण्यात येणार आहे. सायंकाळी ७.०० वाजता महापौर रूपाराणी निकम, उपमहापौर अक्षय जरग यांच्या हस्ते व नगरसेवक ऋतुराज क्षीरसागर, निलांबरी साळोखे, माधुरी नकाते, जयश्री चव्हाण यांच्या प्रमुख उपस्थितीत महाप्रसाद वितरण सोहळा होणार आहे. स्वारींच्या आशिर्वादाने सर्व विश्वस्त व भागातील सर्व महिला व भक्तांच्या उपस्थितीत वर्धापन दिनाचे सर्व कार्यक्रम होणार आहेत.
यावेळी महादेव महाराज यादव, सेक्रेटरी विलास गौड, श्रीमती पद्मावती बबेराव जाधव, वैष्णवी शिवाजी जाधव, मंदिराचे पुजारी विठ्ठलराव जाधव व गणेश भोसले, उदय कारंजकर, दीपक जाधव, मंजुश्री गोखले, अरुण आवटे, कुलदीप भोसले, अजित जाधव, रामचंद्र यादव, ओंकार जाधव, अशोक कांबळे, संतोष मोरे, रोहित कारंडे, कमलाकर भोसले, प्रदीप मराठे, राजू जाधव, आदी उपस्थित होते.

कॅन्सरचे औषध देतो असे सांगून महिलेवर अत्याचार करणा-या आरोपीस अटक

कॅन्सरचे औषध देतो असे सांगून महिलेवर अत्याचार करणा-या आरोपीस अटक

स्थानिक गुन्हे अन्वेषण शाखेची कारवाई

कोल्हापूर/प्रतिनिधी : दिनांक १६/०२/२०२६ रोजी १५.३० वा ते १७.३० वा चे दरम्यान मुदतीत एक पिडीतेस तुझ्या बहिणीसाठी कॅन्सरचे औषध देतो असे सांगून कोल्हापूर शहरातील एका ठिकाणी बोलावून घेवून तिला कळंबा येथील एका लॉजिंगवर नेवून पिडीतेवर तीचे संमतीशिवाय, जबरदस्तीने शारिरीक संबंध ठेवून घडले प्रकाराबाबत कोणास काही सांगितलेस तर तुला सोडणार नाही अशी धमकी दिलेने जुना राजवाडा पोलीस ठाणे गुन्हा रजि. नंबर ७८/२०२६ बीएनएस ६४,६५ (१), ३५१ (२) प्रमाणे गुन्हा दाखल करणेत आला होता. गुन्हा दाखल झालेपासून यातील निष्पन्न आरोपी प्रतिक मुळे रा.लक्ष्मीपूरी हा आपले अस्तित्व लपवून वावरत होता.
सदर गुन्हयाचे गांभीर्य ओळखून मा. पोलीस अधीक्षक साो, कोल्हापूर यांनी गुन्हयातील आरोपीस सत्वर अटक करणेच्या सुचना स्थानिक गुन्हे शाखेचे पोलीस निरीक्षक सुशांत चव्हाण यांना दिलेल्या होत्या. त्यास अनुसरुन पोलीस निरीक्षक सुशांत चव्हाण यांनी सहा. पोलीस निरीक्षक सागर वाघ, पोलीस उप निरीक्षक शेष मोरे व पोलीस अंमलदार यांचे पथक तयार करुन आरोपीचा शोध घेणेबाबत मार्गदर्शन केले होते.सदर आरोपीचा सर्वत्र शोध सुरु असताना आरोपी प्रतिक मुळे हा पन्हाळा ते बोरपाडळी रोडवर येणार असलेची बातमी तपास पथकाला मिळाली. त्या अनुषंगाने पथकाने त्या ठिकाणी सापळा लावून आरोपी नामे प्रतिक चंद्रकांत मुळे वय ३८, रा.१७८४ सी वॉर्ड, लुगडी ओळ, लक्ष्मीपूरी, कोल्हापूर यास तावेत घेवून त्याचेकडे प्राथमिक चौकशी केली असता त्याने गुन्हयाचे कबूली दिलेली आहे. आरोपीस गुन्हयाचे पुढील तपास कामी जुना राजवाडा पोलीस ठाणेच्या ताबेत देणेत आलेले आहे.
सदरची कारवाई मा. पोलीस अधीक्षक श्री योगेशकुमार गुप्ता, मा. अपर पोलीस अधीक्षक डॉ. धीरजकुमार, मा.उप विभागीय पोलीस अधिकारी प्रिया पाटील यांचे मार्गदर्शनाखाली पोलीस निरीक्षक सुशांत चव्हाण, सहा. पोलीस निरीक्षक सागर वाघ, पोलीस उप निरीक्षक शेष मोरे, पोलीस अंमलदार सुरेश पाटील, रुपेश माने, रामचंद्र कोळी, विनोद कांबळे, युवराज पाटील, अरुण धनगर यांचे पथकाने केलेली आहे.

डी. वाय. पाटील टेक्निकल कॅम्पसच्या शोएब घोडीमारला व्हिएतनाममधील परिषदेत‘मोस्ट इम्पॅक्टफुल प्रोजेक्ट अवॉर्ड’

डी. वाय. पाटील टेक्निकल कॅम्पसच्या शोएब घोडीमारला
व्हिएतनाममधील परिषदेत‘मोस्ट इम्पॅक्टफुल प्रोजेक्ट अवॉर्ड’

तळसंदे /प्रतिनिधी : व्हिएतनाम येथे झालेल्या सातव्या आशिया युवा शिखर परिषदेत डी. वाय. पाटील टेक्निकल कॅम्पसच्या शोएब घोडीमारला ‘मोस्ट इम्पॅक्टफुल प्रोजेक्ट अवॉर्ड’ ने सन्मानित करण्यात आले.व्हिएतनामच्या हो ची मिन्ह सिटीमध्ये
१ ते ४ फेब्रुवारी दरम्यान ‘कृत्रिम बुद्धिमत्ताद्वारे जागतिक परिवर्तन : तंत्रज्ञान, शिक्षण आणि व्यक्ती यांची सांगड’ या विषयावर सातवी आशिया युवा शिखर परिषद उत्साहात पार पडली. या आंतरराष्ट्रीय परिषदेसाठी भारतातून केवळ तीन प्रतिनिधींची निवड करण्यात आली होती आणि त्यामध्ये शोएब घोडीमार याचा समावेश होता.आशिया खंडातील विविध देशांतील युवा प्रतिनिधी, विद्यार्थी, संशोधक, उद्योजक आणि शैक्षणिक तज्ज्ञांच्या उपस्थितीत ही परिषद संपन्न झाली. कृत्रिम बुद्धिमत्तेच्या साहाय्याने शिक्षण, उद्योग, आरोग्यसेवा, तंत्रज्ञान आणि सामाजिक विकास क्षेत्रात जागतिक स्तरावर परिवर्तन कसे घडवून आणता येईल, यावर सखोल व्याख्याने, परिसंवाद, कार्यशाळा आणि सादरीकरणे घेण्यात आली. आंतरराष्ट्रीय तज्ज्ञांनी युवकांना नवकल्पना, नेतृत्वगुण, जागतिक सहकार्य आणि शाश्वत विकास याबाबत मार्गदर्शन केले.या परिषदेत शोएब घोडीमार याने ‘ह्युम्यानिटी सेंटर्ड ए आय’ हा प्रकल्प सादर केला. या प्रकल्पाची प्रभावी मांडणी आणि सामाजिक उपयुक्तता याची दखल घेऊन ‘मोस्ट इम्पॅक्टफुल प्रोजेक्ट अवॉर्ड’ प्रदान करण्यात आला.या उल्लेखनीय यशामुळे डी. वाय. पाटील टेक्निकल कॅम्पसच्या शैक्षणिक कार्याची आंतरराष्ट्रीय पातळीवर दखल घेतली गेली आहे. या परिषदेकरिता संस्थेमार्फत त्यांना अंशतः आर्थिक सहाय्य देण्यात आले होते.टेक्निकल कॅम्पसचे संचालक डॉ. एस. आर. पावसकर, संगणक अभियांत्रिकी विभागप्रमुख प्रा. उमेश पाटील आणि ट्रेनिंग अँड प्लेसमेंट ऑफिसर प्रा. शोएब तांबोळी यांचे मार्गदर्शन लाभले.या आंतरराष्ट्रीय यशाबद्दल संस्थेचे अध्यक्ष डॉ. संजय डी. पाटील, उपाध्यक्ष आमदार सतेज डी. पाटील, विश्वस्त ऋतुराज पाटील व पृथ्वीराज पाटील, कार्यकारी संचालक डॉ. अनिलकुमार गुप्ता यांनी शोएब घोडीमार यांचे अभिनंदन केले.

संजय घोडावत इन्स्टिट्यूट येथे “आयडिया जनरेशन आणि स्टार्टअप” या विषयावर मार्गदर्शन कार्यशाळा उत्साहात संपन्न

संजय घोडावत इन्स्टिट्यूट येथे “आयडिया जनरेशन आणि स्टार्टअप” या विषयावर मार्गदर्शन कार्यशाळा उत्साहात संपन्न

अतिग्रे/कोल्हापूर/प्रतिनिधी : उद्योजकतेची बीजे रुजविण्याच्या उद्देशाने महाराष्ट्र राज्य तंत्र शिक्षण मंडळ व भाऊ इन्स्टिट्यूट ऑफ इनोव्हेशन पुणे यांच्या संयुक्त विद्यमाने संजय घोडावत इन्स्टिट्यूट, अतिग्रे येथे “आयडिया जनरेशन आणि स्टार्टअप” या विषयावर एकदिवसीय मार्गदर्शन कार्यशाळा अत्यंत उत्साहपूर्ण वातावरणात यशस्वीरीत्या पार पडली.या कार्यशाळेत एकूण २६० विद्यार्थ्यांनी सहभाग नोंदविला. विविध विभागांतील ३० संघांनी आपापली समस्या निवेदने (प्रॉब्लेम स्टेटमेंट) शॉर्टलिस्ट करून त्यांचे प्रभावी सादरीकरण केले. विद्यार्थ्यांच्या कल्पकता, सर्जनशीलता आणि सामाजिक भान यांचे उत्कृष्ट दर्शन या सादरीकरणांतून घडले. कार्यशाळेची सर्व उद्दिष्टे यशस्वीरित्या पूर्ण झाली.
कार्यशाळेचे प्रमुख मार्गदर्शक म्हणून सुधीर एम. अराळी, सीईओ, के आय टी इनोव्हेशन अँड रिसर्च फाउंडेशन, कोल्हापूर यांनी विद्यार्थ्यांना स्टार्टअप उभारणीची संकल्पना, समस्या ओळख व त्यावर उपाययोजना, व्यवसाय मॉडेल कॅनव्हास, निधी संधी आणि नवउद्योजकतेतील आव्हाने याविषयी सखोल मार्गदर्शन केले. त्यांनी विद्यार्थ्यांना “नोकरी शोधणारे नव्हे, तर नोकरी निर्माण करणारे व्हा” असा प्रेरणादायी संदेश दिला.कार्यशाळेचे अध्यक्ष इन्स्टिट्यूटचे संचालक डॉ. विराट गिरी यांनी प्रमुख मार्गदर्शकांचे स्वागत करून विद्यार्थ्यांना शिक्षणासोबत स्टार्टअप व इनोव्हेशनचे महत्त्व पटवून दिले. त्यांनी महाराष्ट्र राज्य तंत्र शिक्षण मंडळ, भाऊ इन्स्टिट्यूट ऑफ इनोव्हेशन आणि संस्थेच्या हब उपक्रमांद्वारे विद्यार्थ्यांना उपलब्ध होणाऱ्या संधींबाबत सविस्तर माहिती दिली.
कार्यशाळेचे संयोजन इन्स्टिट्यूटच्या EDP & TBI सेलतर्फे करण्यात आले. सेलचे प्रमुख प्रा. अजय बी. कोंगे यांच्या मार्गदर्शनाखाली प्राध्यापक, कर्मचारी व विद्यार्थ्यांनी विशेष परिश्रम घेतले. यावेळी सर्व विभागाचे प्रमुख प्रा. प्रशांत पाटील, प्रा. नितीन पाटील, प्रा. रईसा मुल्ला, प्रा. वंदना शहा तसेच अभियांत्रिकी डिप्लोमा तृतीय वर्षातील सर्व विभागांचे विद्यार्थी मोठ्या संख्येने उपस्थित होते. ही कार्यशाळा विद्यार्थ्यांमध्ये नवोन्मेष, उद्योजकता आणि आत्मनिर्भरतेची प्रेरणा निर्माण करणारी ठरली असून भविष्यातील यशस्वी स्टार्टअप्सची पायाभरणी यामधून होईल, अशी भावना आपले मनोगत व्यक्त करताना विद्यार्थ्यांनी केली.
कार्यक्रमाचे सूत्रसंचालन विद्यार्थिनी सुहाना चौगले हिने केले, तर प्रा. अजय कोंगे यांनी उपस्थितांचे आभार मानले. संजय घोडावत विद्यापीठ चे चेअरमन संजय घोडावत तसेच विश्वस्त विनायक भोसले यांनी या उपक्रमास शुभेच्छा दिल्या.

काँग्रेसकडून देशाची होणारी बदनामी खपवून घेणार नाही: शिवसेनेचा इशारा

काँग्रेसकडून देशाची होणारी बदनामी खपवून घेणार नाही:
शिवसेनेचा इशारा..

दिल्ली येथील ए आय इम्पॅक्ट समिट मध्ये काँग्रेसने केलेल्या आंदोलनाचा शिवसेनेकडून निषेध..

कोल्हापूर/प्रतिनिधी :दिल्ली येथे सुरु असलेल्या एआय इम्पॅक्ट समीट येथे जाऊन युवक काँग्रेस च्या कार्यकर्त्यांनी केलेल्या आंदोलनाच्या निषेधार्थ शिवसेनेच्या वतीने आज राहुल गांधी यांच्या पुतळ्याला जोडो मारो आंदोलन करण्यात आले.
यावेळी देशाची जागतिक प्रतिमा मलिन करण्याच्या काँग्रेसच्या प्रयत्नाचा शिवसेनेच्या पदाधिकाऱ्यांनी निषेध करत असे प्रकार करणाऱ्या देश विरोधी कृतीचा निषेध करण्यात आला. “राहुल गांधी कोण रे पायताण मारा दोन रे”, देशाची प्रतिमा मलिन करणाऱ्या काँग्रेसचा धिक्कार असो अशा घोषणानी छत्रपती शिवाजी महाराज चौक दणाणून सोडण्यात आला. यानंतर गांधी यांच्या पुतळ्याला जोडे मारून निषेध करण्यात आला.
यावेळी बोलताना जिल्हाप्रमुख सुजित चव्हाण यांनी जागतिक पातळीवर देशाची प्रतिमा उंचावण्याचा प्रयत्न देशाचे पंतप्रधान नरेंद्र मोदी यांच्या माध्यमातून होत असताना तसेच भविष्य काळाचा विचार करून एआय इम्पॅक्ट समिट भारतात होत असताना आणि जागतिक पातळीवर या समेटचं कौतुक करण्यासाठी जगभरातून प्रतिनिधी आलेले असताना अशाप्रकारे अर्धनग्न अवस्थेत आंदोलन करणे, ही देशाची प्रतिमा मलिन करण्याचा प्रयत्न असून याचा निषेध करत असल्याचे सांगितले.
तसेच अशा प्रकारच्या घटना पुन्हा घडल्यास गाठ शिवसेनेशी आहे, असा स्पष्ट इशारा त्यांनी दिला.
आंदोलनात शिवसेना उपनेत्या माजी आमदार जयश्री जाधव,जिल्हाप्रमुख विजय बलुगडे, उपमहापौर अक्षय जरग,जिल्हा समन्व्यक सत्यजित कदम, नगरसेवक शारंगधर देशमुख,अजय इंगवले,अश्किन अजरेकर,सत्यजित जाधव,अभिजीत खतकर, वैभव मोरे, नगरसेविका सौ. मंगल साळोखे, सौ. प्राजक्ता जाधव,श्रीमती अनुराधा खेडकर, सौ. कौसर बागवान, उपजिल्हाप्रमुख रमेश खाडे, उदय भोसले,किशोर घाडगे,तुकाराम साळोखे, संजय गांधी निराधार योजना समितीचे अध्यक्ष दिपक चव्हाण,महानगर समन्वयक कमलाकर जगदाळे,माजी नगरसेवक अजित मोरे,महिला आघाडीच्या श्रीमती पूजा भोर, सौ. पूजा कामते, सौ. गौरी माळदकर, सौ. भोपळे,युवतीसेना शहरप्रमुख सौ. नम्रता भोसले,धनाजी दळवी, गजानन भुर्के,अंकुश निपाणीकर,सुशील भांदीगरे, सुनिल देशपांडे,राकेश पोवार, मंदार तपकीरे,नेपोलीयन सोनुले,शिवतेज खराडे,रणजित मंडलिक, अर्जुन आंबी,युवासेनेचे मंदार पाटील,कपिल पोवार,मंगेश चितारे,वैभव मोरे,सौरभ कुलकर्णी, विपुल भंडारे,जयदीप सरवदे आदी.

डी. वाय. पाटील हॉस्पिटल, अभियांत्रिकी प्रेसिडेंट कप क्रिकेट स्पर्धेचे विजेते

डी. वाय. पाटील हॉस्पिटल, अभियांत्रिकी प्रेसिडेंट कप क्रिकेट स्पर्धेचे विजेते

कोल्हापूर/प्रतिनिधी : डी वाय पाटील ग्रुपचे अध्यक्ष डॉ. संजय डी पाटील यांच्या ६२ व्या वाढदिवसानिमित्त आयोजित करण्यात आलेल्या ‘प्रेसिडेंट कप’ क्रिकेट स्पर्धेत पुरुष गटात डी वाय पाटील हॉस्पिटल तर महिला गटात डी वाय पाटील अभियांत्रिकी महाविद्यालयाने विजेतेपद पटकावले. डॉ. संजय डी. पाटील व विश्वस्त पृथ्वीराज पाटील यांच्या हस्ते विजेत्या संघाना सन्मानित करण्यात आले. डॉ. संजय डी. पाटील यांच्या वाढदिवसानिमित्त २०१८ पासून प्रोजेक्ट टीमकडून या स्पर्धेचे आयोजन केले जाते. प्रकाशझोतात खेळविण्यात असलेल्या या स्पर्धेत यंदा पुरुष गटात डी. वाय पाटील ग्रुपच्या अंतर्गत कार्यरत असलेल्या विविध संस्थांच्या एकूण २८ संघांनी तर महिला गटात ८ संघानी सहभाग घेतला होता.बुधवारी झालेल्या अंतिम सामन्यात पुरुष गटात डी. वाय. पाटील हॉस्पिटल संघाने उत्कृष्ट कामगिरीच्या जोरावर अजिंक्यतारा संघावर विजय मिळवत विजेतेपद मिळवले. अजित पाटील यांच्या नेतृत्वाखाली हॉस्पिटल संघाने प्रथम फलंदाजी करताना ८ षटकात तीन विकेट गमावत ८३ धावा केल्या. त्यानंतर अजिंक्यतारा संघाला चार बाद ६० या धावसंख्येवर हॉस्पिटल संघाने अजिंक्यपद मिळवले. २ षटकात ८ धावा देऊन ३ गाडी बाद करणाऱ्या अमर त्रिपाठी यांना ‘मॅन ऑफ द मॅच’, तर स्पर्धेत १३२ धावा करणाऱ्या व ५ गडी बाद करणाऱ्या ऋषिकेश पाटील यांना ‘मॅन ऑफ द सिरीज’ ने गौरविण्यात आले. महिला गटात डी वाय पाटील कॉलेज ऑफ इंजिनिअरिंग अँड टेक्नॉलॉजी (अभियांत्रिकी) संघाने विजेतेपद मिळवले. या संघाने प्रथम फलंदाजी करताना पाच षटकात एक विकेट गमावत ५३ धावा केल्या. मात्र डी वाय पाटील मेडिकल कॉलेज हॉस्पिटल संघ १ विकेट गमावून केवळ ४५ धावाच करू शकला. त्यामुळे त्यांना उपविजेतेपदावर समाधान मानावे लागले. अंतिम सामन्यात २६ धावा व एक बळी मिळवणाऱ्या इंजिनिअरिंग कॉलेजच्या तन्वी पाटील हिला ‘प्लेयर ऑफ द मॅच’ तर स्पर्धेत ६२ धावा करून ३ विकेट मिळवणारी मेडिकल हॉस्पिटल संघाच्या तृप्ती केसरकर यांना ‘प्लेअर ऑफ द सिरीज’ किताब प्रदान करण्यात आला.विजेते, उपविजेते संघ व उत्कृष्ट खेळाडूंना डॉ. संजय डी पाटील व पृथ्वीराज पाटील यांच्याहस्ते ट्रॉफी देऊन सन्मानित करण्यात आले. यावेळी उपस्थित मान्यवर व सर्व खेळाडूंनी डॉ. संजय डी पाटील यांना वाढदिवसाच्या शुभेच्छा दिल्या. यावेळी डी. वाय. पाटील अभिमत विद्यापीठाचे कुलगुरू डॉ. राकेश कुमार शर्मा, कुलसचिव डॉ. व्ही व्ही भोसले, अधिष्ठाता डॉ. राजेश ख्यालप्पा, वैद्यकीय अधीक्षक डॉ. वैशाली गायकवाड, डी वाय पाटील आकुर्डीचे कॅम्पस संचालक अमित विक्रम, डॉ. सदानंद सबनीस, तानाजी जाधव, स्पोर्ट्स डायरेक्टर शंकर गोनुगडे यांच्यासह विविध संस्थांचे प्रमुख व खेळाडू उपस्थित होते. या स्पर्धेमुळे कर्मचाऱ्यांमध्ये आपुलकी, एकोपा आणि क्रीडास्पर्धेची भावना अधिक दृढ होईल याचा विश्वास आहे. या पुढील काळातही अशा स्पर्धा सुरूच राहाव्या यासाठी आवश्यक ते पाठबळ देण्यात येईल अशी ग्वाही डॉ. पाटील यांनी दिली.वाढदिवसानिमित्त उपस्थित मान्यवर व खेळाडूंनी डॉ. संजय डी. पाटील यांना शुभेच्छा दिल्या.

डॉ. संजय डी. पाटील यांच्यावर वाढदिनी शुभेच्छांचा वर्षाव

डॉ. संजय डी. पाटील यांच्यावर वाढदिनी शुभेच्छांचा वर्षाव

कोल्हापूर/प्रतिनिधी : डी. वाय. पाटील ग्रुपचे अध्यक्ष आणि डी. वाय. पाटील विद्यापीठ कोल्हापूर, तळसंदे व आकुर्डीचे कुलपती डॉ. संजय डी. पाटील यांचा ६२ वा वाढदिवस बुधवारी उत्साहात साजरा करण्यात आला. कसबा बावडा येथील निवासस्थानी कुटुंबीयांनी औक्षण करून त्यांना दीर्घायुष्यसाठी शुभेच्छा दिल्या. वाढदिवसानिमित्त त्यांना शुभेच्छा देण्याकरिता विविध क्षेत्रातील मान्यवरांनी गर्दी मोठी केली होती.

शिक्षण, आरोग्य, कृषी, सहकार सह विविध क्षेत्रात उल्लेखनीय कार्य करणारे डॉ. संजय डी. पाटील आणि त्यांच्या स्नुषा डी. वाय. पाटील ग्रुपच्या अॅडव्हायझर सौ. पूजा ऋतुराज पाटील या दोघांचाही एकाच दिवशी वाढदिवस असल्याने कुटुंबीयांकडून वाढदिवस एकत्रितपणे मोठ्या उत्साहात साजरा करण्यात आला. या दोघानाही माजी राज्यपाल पद्मश्री डॉ. डी वाय. पाटील आणि सौ. शांतादेवी डी. पाटील यांनी डॉ. संजय डी. पाटील आणि सौ. पूजा ऋतुराज पाटील यांना शुभाशीर्वाद दिले. यावेळी सौ. वैजयंती संजय पाटील, माजी आमदार ऋतुराज संजय पाटील, पृथ्वीराज संजय पाटील, सौ. वृषाली पृथ्वीराज पाटील, सत्यजित पाटील बेनाडीकर, अभिजित पाटील बेनाडीकर, अर्जुन व आर्यमन पाटील यांच्यासह कुटुंबीय उपस्थित होते.

डॉ. संजय डी. पाटील यांना शुभेच्छा देण्यासाठी विविध क्षेत्रातील मान्यवरांनी त्यांच्या निवासस्थानी आणि कदमवाडी येथील मेडिकल कॉलेज सभागृहात उपस्थिती लावली. यामध्ये माजी आमदार मालोजीराजे छत्रपती, देवराज पाटील, शिवाजी विद्यापीठाचे परीक्षा व मूल्यमापन संचालक डॉ. ए. एन. जाधव, उद्योजक दिलीप मोहिते, आनंद माने, प्रताप उर्फ भैय्या माने, प्राचार्य डॉ. डी. आर. मोरे, प्राचार्य डॉ. व्ही. एम. पाटील, डॉ. मंजिरी मोरे, डॉ. सागर डेळेकर, डॉ. प्रताप पाटील, डॉ. सचिन पवार, डॉ. संदीप पाटील, माजी पोलीस अधिकारी राजेंद्र घाटगे, सोहन शिरगावकर, दौलत देसाई, क्रीडाईचे अजय डोईजड, राजेश लाटकर, इंद्रजीत बोंद्रे यांच्यासह कोल्हापूर महानगर पालिकेचे कॉंग्रेसचे सर्व नगरसेवक, कॉंग्रेसचे जिल्हा परिषद व पंचायत समितीचे सदस्य, श्रीराम सोसायटीचे उपसभापती सुभाष गदगडे व सर्व आजी माजी संचालक, शिवाजी विद्यापीठाचे अधिकारी, महालक्ष्मी मंदिर कर्मचारी, डी. वाय. पाटील साखर कारखान्याचे व्यवस्थापकीय संचालक जयदीप पाटील व संचालक, डी. वाय. पाटील अभिमत विद्यापीठाचे कुलगुरू डॉ. राकेश कुमार शर्मा, डॉ. व्ही. व्ही. भोसले, आकुर्डी येथील डी. वाय. पाटील कॅम्पसचे डायरेरेक्टर अमित विक्रम व प्राचार्य, सी.एच.आर. ओ. श्रीलेखा साटम, सीए. अमित गावडे, ऍड अजित पाटील, ऍड अभिषेक मिठारी यांच्यासह डी. वाय. पाटील ग्रुपमधील विविध संस्थांचे प्रमुख, प्राचार्य, प्राध्यापक, कर्मचारी, विविध प्रसारमाध्यमांचे संपादक, अधिकारी, पत्रकार, शिक्षण, सहकार, राजकीय, सामाजिक व औद्योगिकसह विविध क्षेत्रातील मान्यवर यांनी डॉ. पाटील यांना शुभेच्छा दिल्या. विविध मान्यवरांनी दूरध्वनीद्वारे डॉ. पाटील व सौ. पूजा पाटील यांना दीर्घायुष्याच्या शुभेच्छा दिल्या.

दुर्मिळ माहिती संग्रह प्रदर्शन
डॉ. संजय डी. पाटील यांच्या वाढदिवसानिमित्त मेडिकल कॉलेजच्यावतीने दुर्मिळ माहिती संग्रह प्रदर्शन आयोजित करण्यात आले होते. यामध्ये विविध वृत्तपत्रामध्ये प्रसिद्ध झालेले कोल्हापूरमधील विविध ठिकाणे, वैशिष्ट्ये याची माहिती देणारी कात्रणे मांडण्यात आली होती.

गोकुळमार्फत शिवजयंती उत्साहात साजरी,गोकुळ’ मार्फत छञपती शिवाजी महाराज यांना अभिवादन

कोल्हापूर/प्रतिनिधी : कोल्हापूर जिल्हा सहकारी दूध उत्पादक संघ (गोकुळ) च्‍या वतीने संघाच्‍या ताराबाई पार्क कार्यालय येथील कार्यालयात महाराष्ट्र राज्याचे आराध्य दैवत हिंदवी स्वराज्य संस्थापक छञपती शिवाजी महाराज यांची ३९६ वी जयंती उत्साहात साजरी करण्यात आली. यावेळी संघाचे चेअरमन नविद मुश्रीफ यांच्या हस्ते छञपती शिवाजी महाराज यांच्‍या पुतळ्याचे पुजन व पुष्पहार अर्पण करून अभिवादन करण्यात आले. कार्यक्रमास संचालक मंडळ, अधिकारी व कर्मचारी उपस्थितीत होते. यावेळी बोलताना गोकुळचे चेअरमन नविद मुश्रीफ म्हणाले, भारताच्या इतिहासातील शौर्य आणि संघटन कौशल्याचे प्रतिक म्हणजे छत्रपती शिवाजी महाराज. हिंदवी स्वराजाची स्थापना करून त्यांनी न्याय, सत्य आणि सर्व धर्मसमभावाचा आदर्श घालून दिला. त्यांची युद्धनीती, दूरदृष्टी आणि सक्षम प्रशासन पद्धती आज हि प्रेरणादायी आहे. सामान्य जनतेच्या कल्याणासाठी असलेली त्यांची बांधिलकी आम्हाला प्रेरणा देणारे असल्याचे मनोगत त्यांनी व्यक्त केले.
या कार्यक्रमाप्रसंगी संघाचे ज्येष्ठ संचालक अरुण डोंगळे, संचालक अजित नरके यांनी मनोगत व्यक्त केली तर कार्यक्रमाचे स्वागत प्रास्ताविक महिला विकास अधिकारी मृण्मयी सातवेकर यांनी केले.तर आभार जनसंपर्क अधिकारी सचिन पाटील यांनी केले.यावेळी संघाचे चेअरमन नविद मुश्रीफ, माजी चेअरमन व ज्येष्ठ संचालक अरुण डोंगळे, संचालक अजित नरके, अंबरिषसिंह घाटगे, कर्णसिंह गायकवाड, प्रकाश पाटील, संभाजी पाटील, भोगावती शिक्षण प्रसारक मंडळ संचालक अभिषेक डोंगळे, गोकुळचे पशुसंवर्धन व्यवस्थापक डॉ.प्रकाश साळुंके, संकलन व्‍यवस्‍थापक दत्तात्रय वागरे, डॉ.दयावर्धन कामत, डॉ.प्रकाश दळवी, डॉ.विजय मगरे, अशोक पुणेकर, विनोद वानखेडे, गीता मोरे, संभाजी जाधव व संघाचे अधिकारी, कर्मचारी उपस्थित होते.

भीमा कृषी प्रदर्शन पाहण्यास चार दिवसात झाला गर्दीचा उच्चांक

शेतकऱ्यांच्या उत्पादनाला दीडपट करण्याची क्षमता एआयमध्ये : उच्च व तंत्र शिक्षणमंत्री ना.चंद्रकांत दादा पाटील यांचे उदगार

कोल्हापूर/प्रतिनिधी : शेतकऱ्यांना प्रगतशील करण्याचे काम सरकार करत आहे.शहरातील सुविधा ग्रामीण भागात मिळाल्या तर लोकांचे स्थलांतर थांबेल आणि शेतीची प्रगती होईल.शिवाय एआय ही जादू आहे. शेतकऱ्यांच्या उत्पादनाला दीडपट करण्याची क्षमता एआय मध्ये असल्याचे उद्गार उच्च व तंत्र शिक्षणमंत्री ना.चंद्रकांत दादा पाटील यांनी भीमा कृषी प्रदर्शनाच्या सांगता समारंभप्रसंगी काढले.यावेळी बोलताना ना.चंद्रकांतदादा पाटील यांनी धनंजय म

हाडक यांनी कृषी प्रदर्शनाच्या माध्यमातून शेतकऱ्यांना व्यासपीठ उभे केल्याचे सांगितले.केंद्र व राज्य सरकार शेतीच्या विकासासाठी काय करत हे भीमा कृषी प्रदर्शनाच्या माध्यमातून समोर आले असून ज्या पद्धतीने ऊसापासून साखर निर्माण करण्यासाठी साखर कारखाने ४० वर्षापूर्वी सुरू झाले त्याच पद्धतीने शेतकऱ्यांच्या विविध पिकांसाठीही वेगवेगळी सुविधा गाव पातळीवर सुरू होणे आवश्यक असल्याचे सांगितले. यावेळी बोलताना सार्वजनिक आरोग्य आणि कुटुंब कल्याण मंत्री तथा कोल्हापूर पालकमंत्री ना. प्रकाश आबिटकर यांनी बोलताना खासदार धनंजय महाडिक दरवर्षी शेतकऱ्यांसाठी कृषी प्रदर्शन भरवतात आणि नवनवीन माहिती तंत्रज्ञान शेतकऱ्यांपर्यंत पोहोचवतात या प्रदर्शनाचा लाभ अनेक शेतकरी घेतात. मात्र शेतकऱ्यांनी याचा उपयोग आपल्या शेतीसाठी करून नवनवीन तंत्रज्ञानाचा वापर करून अधिक उत्पादनावर भर देणे आवश्यक असल्याचे सांगितले. आज शेतकरी मातीचे परीक्षण करत नाहीत त्यामुळे पिकांना याचा फटका बसतो तर शेतकऱ्यांनी माती परीक्षण करून घेणे आवश्यक आहे. शेतकऱ्यांसाठी खूप काही करायचे आहे. अनेक शेतकरी नवनवीन प्रयोग करत आहेत. कोल्हापूर हा कृषीप्रधान जिल्हा आहे याठिकाणी ऊस पिक मोठ्या पद्धतीने घेतले जाते शेतकऱ्यांनी इतरही पिके घेऊन आर्थिकदृष्ट्या सक्षम होणे आवश्यक असल्याचे सांगितले.

यावेळी प्रास्ताविकपर बोलताना खासदार धनंजय महाडिक यांनी काँग्रेसचे प्रदेशाध्यक्ष सपकाळ यांनी केलेल्या टिपू सुलतान बद्दलच्या वक्तव्याचा ही खरपूस समाचार घेतला.आणि काँग्रेसच्या प्रदेशाध्यक्षांनी केलेल्या वक्तव्याशी इथले स्थानिक नेते काँग्रेसचे नेते आणि खासदार सहमत आहेत का याचं त्यांनी जाहीर रित्या उत्तर द्याव असे आव्हान ही खासदार महाडिक यांनी यावेळी दिले. आणि जोपर्यंत सपकाळ माफी मागत नाही तोपर्यंत त्यांना कोल्हापुरात प्रवेश दिला जाणार नाही असेही खासदार महाडिक यांनी स्पष्ट केले.नरेंद्र मोदी यांच्या नेतृत्वाखाली शेतीसाठी विविध योजना आणल्या जात आहेत किसान योजना आहे याचा १२ कोटी शेतकऱ्यांना लाभ झालेला आहे. साडेचार लाख करोड रुपये या माध्यमातून शेतकऱ्यांना दिले गेले आहेत असे सांगितले अनेक योजनांच्या माध्यमातून २७ प्रकारचे व्यवसाय करण्याची मुभा दिली आहे.शेतकऱ्यांसाठी कोल्ड स्टोअरेजसाठी ९० टक्के सबसिडी दिली गेली आहे त्याचा शेतकऱ्यांनी फायदा घ्यावा असे आवाहन केले.गेली १८ वर्ष भीमा कृषी प्रदर्शनाच्या माध्यमातून शेतकऱ्यांसाठी वेगवेगळ्या पद्धतीची माहिती दिली जात आहे. परिपूर्ण असे प्रदर्शन भरविले जात आहे. कृषी प्रदर्शनात रेकॉर्ड ब्रेक गर्दी झाली होती असे सांगितले. समारोपप्रसंगी विशेष अतिथी म्हणून इचलकरंजी महानगरपालिकेचे महापौर श्री. उदय धांतुडे ,उपमहापौर अनिल डाळ्या यांची उपस्थिती होती.त्यांचा विशेष सन्मान करण्यात आला. आ.अशोकराव माने,शाहू ग्रुपचे अध्यक्ष राजे समरजित सिंह घाडगे, भाजपा माजी जिल्हाध्यक्ष राहुल चिकोडे, देवस्थान समितीचे माजी अध्यक्ष महेश जाधव, जिल्हा परिषदेचे आणि पंचायत समितीचे नवनिर्वाचित सदस्य महानगरपालिकेचे नवनिर्वाचित नगरसेवक बी न्यूज चे कार्यकारी संचालक पृथ्वीराज महाडिक, भीमा सहकारी साखर कारखान्याचे अध्यक्ष विश्वराज महाडिक आदींची उपस्थिती होती.यावेळी आभार पृथ्वीराज महाडिक यांनी मानले.मेरी वेदर मैदानावर १३ ते १६ फेब्रुवारी भरविण्यात आलेल्या भीमा कृषी प्रदर्शनाच्या चारही दिवशी कृषी प्रदर्शन पाहण्यासाठी लहान मुलांसह आबालवृद्धांसह शेतकऱ्यांचा आणि लोकांचा झाला होता गर्दीचा उच्चांक. पाच फूट सरडा आणि एकाच मैदानावर तेरा वेळा रेकॉर्ड केलेला हिंदकेसरी हरण्या बैल,अन्य जनावरे पाहण्यासाठी शेतकऱ्यांसह लोकांनी प्रचंड गर्दी चार दिवस केली होती.शतकवीर हिंदकेसरी शर्यतीमधील हरण्याबैल, तीन वर्षाची राधा गाय,मारवाडी जातीचा स्टेलियन गब्बर नावाचा काळा रंगाचा घोडा,३५० किलोचे डुक्कर १२० आणि ९० किलो वजनाचे बोकड,३३ इंचाचा घोडा,एक टनाचा लाल कंधारी बैल,मुरा रेडे,१० डझनाचा केळी घड,११ किलोचा भोपळा,१० किलोचा कोहळा प्रदर्शनाचे आकर्षण ठरले.चार दिवसात शेती साठी आवश्यक साहित्याची नोंदणी व खरेदी मोठ्या प्रमाणात झाली.याचबरोबर शेती साहित्य,बी.बियाणे यांचीही मोठ्या प्रमाणात खरेदी केली गेली आहे.चार दिवसात सुमारे १५ कोटींची उलाढाल ही झाली.तर तिला बचत गटाच्या माध्यमातून २५ लाखाची उलाढाल झाली. बेगम राजू मुजावर यांनी बिर्याणी मधून १ लाख १० हजार रुपये विक्री केली, अमृता उमेश भोकरे यांनी १ लाख रुपयाचे मासे विकले तर ज्योती धावडे यांनी ५४ हजार ७०० रुपयांची विक्री केली. कल्याणी भिमगोंडा यांनी ४२ हजार रुपयांचे वस्तू विकल्या. या सर्व महिलांचा सत्कार करण्यात आला. तर प्रगतशील शेतकरी सर्जेराव धनवडे यांना जीवनगौरव पुरस्काराने सन्मानित करण्यात आले.

किशोर वसंत चव्हाण मुंबई कांदिवली यांचा पाच फुटाचा इगवाना सरडा हा बेस्ट ऑफ द शो ठरला आहे. तर श्री कुलदीप सिंह बळीराम लाड रा माळसोना ता,जिल्हा परभणी यांचा लाल कंधारी वळू हा चॅम्पियन ऑफ द शो ठरला आहे*

*शतक वीर हिंदकेसरी शर्यतीमधील *हरण्याबैल**तीन वर्षाची राधा गाय आकर्षण*मारवाडी जातीचा स्टेलियन गब्बर**भारतातील सर्वात मोठा अमेरिकन सरडा प्रदर्शनाचे खास आकर्षण चंदगड येथील ७५ हजार रुपये किंमतीचे ३५० किलो वजनाचे ब्रीड लार्ज व्हाईट मेल आणि फिमेल(पिग डुक्कर) पन्हाळा येथील ९० किलोचा बोकड भादोले येथील १२० किलो वजनाचा बिटल बोकड,७५० किलो वजनाचा एचएफ अडीच वर्षाचा कागल चिमगाव येथील सचिन लाड यांचा रेडा, साडेसात लाख रुपये किंमत असलेला चॉकलेटी रंगाचा अडीच वर्षाचा एक टन लाल कंधारी बैल प्रदर्शनाचे खास आकर्षण आहे.आजरा दरडेवाडी येथील पाच वर्षाचा सर्जा काळा बैल,दहा महिन्याचा गीर बैल,१४ महिन्याचे ब्ल्यू गोल्ड मकाऊ पोपट (पॅरोट) हरियाणाचा मुरा जातीचा युवराज रेडा,साडेचार वर्षाचा २८ महिन्याचा गडहिंग्लजचा सुलतान रेडा, हसुर बुद्रुक येथील २८ महिन्याचा एक टन वजनाचा मुरहा रेडा, १४७० किलो वजनाचा ४ वर्षाचा गोलू मुरा रेडा,८०० किलो वजनाचा जाफराराबादी पंढरपूर रेडा, खास आकर्षण ठरले. आहेत.याचबरोबर चार फूट लांब शिंगाचा पाच वर्षाचा पंढरपूर जातीचा भैरु रेडा, राशीवडे बुद्रुक येथील काँकरेज वळू,नरेंद येथील २ वर्षे १ महिना २ दाती स्टूलवर उभा राहणारा मुरा रेडा स्थानिक भाज्यासह विदेशी भाजीपाला पहावयास मिळाला.भाज्यांमध्ये फळ,वांगी,टोमॅटो,शेंग,मिरची,दुधी भोपळा,मोठा भोपळा,हळद,धान्य,लसूण, शिरोळ कोंडीग्रे येथील हिरवी कारली, शिरोळ कुटवाड येथील काजल काकडी, ऑर्किड फुले, झेंडू फुले, गलांडा, शामली फुले, बालिंगा येथील जरबेरा आदींचा समावेश आहे. तर शंभर रुपये एक ऊस असलेला देशी शिवकालीन काळा ऊस खास आकर्षण ठरले. सुळकुड येथील मुलगोंडा पाटील यांचा अकरा किलोचा वजनाचा भोपळ, हालोंडी येथील पाच किलो वजनाचा (पपनस ईडलिंबू), शिरोळ येथील १५ किलो वजनाची हळद गठ्ठा,२५ किलो वजनाचा दहा डझनाचा देशी केळीचा घड, एवढे येथील वळीवडे येथील अर्धा किलोची कांदा पात, भोगमवाडी येथील यांच्या शेतातील एक फुटाचे रताळ, मांजरी गेळा येथील एक किलोचे वांगे, महाकवे येथील दीड किलो वजनाचे रताळ, हुपरी येथील प्रकाश अण्णा माळी यांचा अकरा किलोचा भोपळा, जंगलात उगवणारी रानकेळी प्रदर्शनाचे खास आकर्षण ठरले पहावयास चार दिवस शेतकऱ्यांनी गर्दी केली होती.प्रदर्शनामध्ये अमेरिकन शेळ्या, बोकड, तर खास सांगोला, दहिवडीवरुन जातिवंत खिल्लार खोंड व खिल्लार गायी सहभागी झाल्या होत्या. परभणी, नांदेड, लातूर येथून लालकंधारी व देवणी, एच एफ जर्शी, साहिवाल, गिर इत्यादी जातीची खोंड, गाई आल्या आहेत, तसेच पंढरपुरी मुह्रा, मेहसाना, जाफराबादी म्हैस, रेडे सहभागी आहेत. तर जातिवंत घोडे, शेळ्या, मेंढ्या, वराह, विविध जातीच्या कोंबड्या तसेच विविध जातीचे पक्षी आले आहेत.शिवाय कागल मधील हैदर अली यांचा ब्रँड ब्रिडिंग फार्म मांडण्यात आली आहे.ज्यात अमेरिकन बेंटम बोकड पांढरे रंगीबेरंगी पक्षी, कबुतरे, ब्लॅक ऍस्ट्रोलॉक कोंबडी, जापनीज बेन्टेस कोंबडी, कडकनाथ चिनी कोंबडी, कोलंबियन ब्रम्हा कोंबडा, पर्शियन मांजर, रनर बदक, मरकवी बदक, घुस, हेडलॉक पांढरे उंदीर, हंगस्टर पक्षी, राजहंस,लवबर्ड,पोपट कागल येथील अमेरीकन १८ इंचाची बिल्टन बोकडे, टर्की कोंबडी बदक व्हाईट पीकॅन बदक, हेमस्टर जातीचे पांढरे उंदीर,हेज टॉग पांढरा उंदीर,टर्की कोंबडा,प्रदर्शनाचे आकर्षण ठरली.एक टनाचा कानाच्या पुढे वळलेल्या शिंगांचा जाफराबादि सुलतान रेडा आदी जनावरे प्रदर्शनात आकर्षण ठरली.

*आज झालेली व्याख्याने*

१६ फेब्रुवारी रोजी भाजीपाला सुधारित लागवड व परदेशी भाजीपाला लागवड तंत्रज्ञान या विषयावर डॉ. श्री. भरत तुकाराम पाटील भाजीपाला पैदासकर व प्रमुख फलोद्यान विभाग महात्मा फुले विद्यापीठ राहुरी, जि. अहिल्यानगर हे विचार व्यक्त करणार आहेत. तर कृषी विभागाच्या विकासात्मक योजना व वापर या विषयावर तालुका कृषी अधिकारी करवीरचे श्री. युवराज पाटील आणि कृषी अधिकारी कागलचे श्री. शेखर थोरात यांनी मार्गदर्शन कृषी विभागाच्या विविध योजना सोबत पिक उत्पाद वाढीबाबत तंत्रज्ञान व ऊस पाच ट व्यवस्थापन तसेच शेतकऱ्यांचा डिजीटल मित्र महा विस्तार एआय या मोबाईल अँप्लिकेशन बद्दल माहिती सांगितली.

भिमा कृषी प्रदर्शनास कृषी विभाग व किसान कल्याण मंत्रालय, कृषी विभाग, महाराष्ट्र राज्य, पशुसवर्धन विभाग, आत्मा, जिल्हा परिषद कोल्हापूर, वृंदावन फाउंडेशन आणि कोल्हापूर ऑटोमोबाईल डिलर्स असोसिएशन यांचे विशेष सहकार्य लाभले आहे. या प्रदर्शनासाठी प्रा. जे.पी.पाटील, डॉ. अजित शिंदे, डॉ.सुनील काटकर, सर्जेराव धनवडेदादा, अशोक सिधनेर्ले,दिलीप दळवी,सुजित चव्हाण ,किरण रणदिवे, डॉ.निवृत्ती पाटील, डॉ.सुखदेव साबळे, डॉ.अंकुश काळे,. डॉ.अजय कुरणे,डॉ.किरण उनउणे,प्रा.ऋतुराज चव्हाण, डॉ.मंगलसिंग जाधव,डॉ. वर्षा मिंड कृषी विभागाची टीम आदींनी परिश्रम घेतले त्यांचा सन्मान करण्यात आला.

भीमा कृषि प्रदर्शनात धान्य महोत्सव दालनात दोन दिवसात विक्री झालेला शेतमाल :

१) सेंद्रीय गूळ : एक किलोचे एक पंधराशे रवे

२) इंद्रायणी तांदूळ : ४९०० kg

३) आजरा घनसाळ : २७०० kg

४) इंद्रायणी कणी : २२०० kg

५) रत्नागिरी २४ : ४८०० kg

६) सेंद्रीय हळद : ७०० kg

७) नाचणी : ९५० kg

८)हात सडीचा काळा तांदूळ १५०० kg

*जनावरांचा निकाल*

सहा दाती खिलार गाय गट

१)कृष्णात श्रीमंत मस्के रा. नांदगाव (प्रथम क्रमांक)

२)ऋषिकेश उत्तरेश्वर कोळी रा. गादेगाव ता.पंढरपूर (द्वितीय क्रमांक)

३)चंद्रकांत अशोक शिराळे रा. तळंदगे ता. हातकणंगले (तृतीय क्रमांक)

जुळूक गाय गट

१)रियांश रवी गवळी राहणार करवीर कोल्हापूर

मुरा रेडा गट

१) मनोज आण्णासो जगताप

रा. कवठे बुलंद तालुका शिरोळ (प्रथम क्रमांक)

२) स्वप्निल अशोक पोवार रा. हसुर चंपू (द्वितीय क्रमांक)

३)सोहेल सय्यदअली पटेल रा.बसतवडे तालुका कागल (तृतीय क्रमांक)

जाफराबादी रेडा

१)फिरोज सरदार शेख रा. करनूर ता. कागल

पंढरपुरी रेडा गट

१) संजय अर्जुन जाधव रा. येलूर ता. वाळवा (प्रथम क्रमांक)

२).अमर आप्पाजी केंबळेकर रा. खुपिरे ता. करवीर (द्वितीय क्रमांक)

देवणी वळू गट

१)सौरभ परशराम सापनर रा. लिंबोटी ता. लोहा जिल्हा नांदेड

गिर वळू गट

१)कस्पक रघुनाथ सामंत रा. दरडेवाडी ता. आजरा जिल्हा कोल्हापूर (प्रथम क्रमांक)

२)बाळकृष्ण श्रीपाद सामंत रा. दरडेवाडी ता. आजरा जिल्हा कोल्हापूर (द्वितीय क्रमांक)

कंकरेच वळू गट

१)प्रविण शिवाजी गायकवाड रा.राशिवडे ता. राधानगरी

काल कंधारी वळू गट

१)कुलदिप बळीराम लाड रा. माळसुना ता. जिल्हा परभणी (प्रथम क्रमांक)

२)बळीराम मारुती लाड रा. माळसुळा ता. जिल्हा परभणी (द्वितीय क्रमांक)

३)परशराम नागनाथ सापनर रा.लिंबोटी ता. लोहा (तृतीय क्रमांक)

लाल कंधारी गाय गट

१) आनंदा नागुराव डोईफोडे रा. लिंबोटी ता.लोहा (प्रथम क्रमांक)

२)संभाजी पंडित गाडगीळ रा. लिंबोटी ता. लोहा द्वितीय क्रमांक

मुरा रेडी गट

१)शिवनाथ लक्ष्मण जगताप

बिटल बोकड

१)नितीन अनिल वड्ड राहणार भादोले (प्रथम क्रमांक)

२)प्रकाश आनंदराव घारगे राहणार गुडे तालुका पन्हाळा (द्वितीय क्रमांक)

अमेरिकन बॅनटम बोकडगट

१)अबुजर इनायन समाधान राहणार कागल

अमेरिकन बॅनटम शेळी गट

१अबुजर इनायन समाधान राहणार कागल

वराहगट

१)चंद्रकांत रामू ओऊळकर

वनराज कावेरी कुकुट पक्षी

१ अंडी उबवणी केंद्र

विविध प्रकारचे पक्षी

१)हैदरअली समाधान

लहान छोटे विविध प्राणी

१)खादिजा हैदरअली समाधान रा.कागल

अश्वगट

१) मंदार संजय इंगवले (प्रथम क्रमांक)

२)सुचित शिवकुमार हिरेमठ (द्वितीय क्रमांक)

३)संजय भगवान चौगुल (तृतीय क्रमांक)

४)असिफ अल्लबक्ष बागवान (तृतीय क्रमांक)

भीमथडी अश्वगट

१)कार्तिक दिपक बादूंगे

एच एफ गाय गट

१)विनायक भारत जंगम

२)भारत सदाशिव जंगम

जर्सी वळू गट

१)संदिप सात्ताप्पा एकल

जर्सी गाय गट

१)मंदाकिनी सदाशिव जंगम (प्रथम क्रमांक)

२)अरविंद निवृत्ती यादव (द्वितीय क्रमांक)

पुंगनूर गाय गट१)सुचित शिवकुमार हिरेमठ

इगवाना सरडा१)किशोर चव्हाण

*भीमा कृषी प्रदर्शन कृषी विभाग अंतर्गत घेण्यात आलेल्या पीक स्पर्धा मध्ये*

१)रोहन प्रमोद चौगुले आणि शिवाजी धोंडीराम तोडकर यांच्या केळी घडास विभागून प्रथम क्रमांक

२) महादेव शामराव पाटील चिकू क्रिकेट बॉल ( द्वितीय क्रमांक) ३)जयसिंग गजानन जाधव कसबा बावडा सुपारी मंगला (तृतीय क्रमांक)

अन्नधान्यांमध्ये

१)कृष्णात केरबा भोगम (नाचना) (प्रथम क्रमांक)

२)नारायण मारुती पाटील (स्वीट कॉर्न)(द्वितीय क्रमांक)

३)वसंत रामचंद्र यरोळकर नाचना (तृतीय क्रमांक)

फुले मध्ये

विनायक आनंदा कांबळे जरबेरा (प्रथम क्रमांक) अनिता अनंत उठवणेकर आर्किटस फुले (द्वितीय क्रमां) युवराज बाळू पाटील झेंडू फुले (तृतीय क्रमांक)

भाजीपाला कंदवरनीय मसाला

१)विनायक नरहरी कोचरे हळद (प्रथम क्रमांक)

२)शितल शिवराज धर्माधिकारी सेंद्रिय आले (द्वितीय क्रमांक)

३) विकास अशोक गोडसे सेंद्रिय हळद (तृतीय क्रमांक)

भाजीपाला

१)दिलीप बाबागोंडा पाटील कोबी (प्रथम क्रमांक)

२)प्रदीप येलगुंडा खोत (वांगी) (द्वितीय क्रमांक)

३)दीपक मारुती डाफळे (ढोबळी मिरची) (तृतीय क्रमांक)

कंदवरनीय भाजीवाला

१)सागर रावसो मिनचे (बीट प्रथम क्रमांक

२) मधुकर केरबा भोगम (रताळी द्वितीय क्रमांक)

३) प्रकाश शामराव पडवळ (बीट) (तृतीय क्रमांक)

मसाले पीक

१) आप्पान्ना निजलिंग गुरव आप्पा (शंकेश्वरी मिरची) प्रथम क्रमांक

२)सुनील रावसो पाटील (कांदा विजय क्रमांक)

३) विठ्ठल मारुती पाटील (लसुन तृतीय क्रमांक)

१)प्रकाश अण्णा माळी (भोपळा प्रथम क्रमांक)

२)मलगोंडा भिमगोंडा पाटील (भोपळा विभागून प्रथम क्रमांक) ३)शंकर खोत दुधी (भोपळा द्वितीय क्रमांक)

४) अमोल दादासो चौगुले (कोहळा तृतीय क्रमांक)

मॉडेल कृषीमध्ये

१)तालुका कृषी अधिकारी करवीर (प्रथम क्रमांक)

२)प्रकल्प संचालक आत्मा द्वितीय क्रमांक

३)तालुका कृषी अधिकारी (हातकणंगले तृतीय क्रमांक)

भिमा कृषी पशु पक्षी प्रदर्शन

भिमा आदर्श गुणवंत पशुवैद्यक पुरस्कारमध्ये

१))मा. डॉ. श्री. यशवंत वाघाय सहाय्यक पशुधन विकास अधिकारी,गोदिंया

२)मा. डॉ. श्री. मंगलसिंह जाधव

सहाय्यक पशुधन विकास अधिकारी,यवतमाळ

३)मा. डॉ. श्री. किरण उणउने

पशुधन विकास अधिकारी,कोल्हापूर

४)मा. डॉ. श्री. आनंदा पोवार

पशुधन विकास अधिकारी,गगनबावडा

५)मा. डॉ. श्री. बाबासो पुजारी

सहाय्यक पशुधन विकास अधिकारी,करवीर

६)मा. डॉ. श्री. सुखदेव साबळे

सहाय्यक पशुधन विकास अधिकारी,चंदगड

७)मा. डॉ. श्री. अंकुश काळे

सहाय्यक पशुधन विकास अधिकारी,राधानगरी

८)मा. डॉ. श्री. प्रमोद झेंडे

सहाय्यक पशुधन विकास अधिकारी,शिरोळ

९)मा. डॉ. श्री. भास्कर कुराडे

पशुधन पर्यवेक्षक,करवीर

१०)मा. डॉ. श्री. शशिकांत काटकर

पशुधन पर्यवेक्षक,हातकणंगले

११)मा. डॉ. सौ. गितांजली येरुडकर,पशुधन पर्यवेक्षक,राधानगरी,

१२)मा. श्री. संतोष टिपुगडे वर्णउपचारक,राधानगरी. आदींचा सन्मान करण्यात आला.

*भिमा कृषी पशु पक्षी प्रदर्शन २०२६ पशुसंवर्धन संयोजक कमिटी मधील*

डॉ. अजित शिंदे, डॉ. सुनिल काटकर,डॉ. निवृत्ती पाटील,श्री. विलास इंगवले,श्री. सर्जेराव धनवडे

श्री. दिलीप दळवी,श्री.सुजित चव्हाण,श्री. अशोक सिध्दनेर्ले,श्री. किरण रणदिवे,

श्री. किरण सुर्यवंशी आदींचा सन्मान करण्यात आला.

भीमा कृषी प्रदर्शन पाहण्यासाठी तिसऱ्या दिवशी मेरी वेदर मैदानावर अफलातून गर्दीचा महापूर,तीन दिवसात सुमारे १२ कोटींची उलाढाल*

*आज होणार समारोप,प्रदर्शनाचा आज शेवटचा दिवस शेतकऱ्यांनी भेट देण्याचे खासदार धनंजय महाडिक यांचे आवाहन

*एकाच मैदानावर तेरा वेळा रेकॉर्ड केलेला हिंदकेसरी हरण्या बैल,अन्य जनावरे पाहण्यासाठी लोकांची अफलातून गर्दी*

*३५० किलोचे डुक्कर १२० आणि ९० किलो वजनाचे बोकड,३३ इंचाचा घोडा,एक टनाचा लाल कंधारी बैल,मुरा रेडे प्रदर्शनाचे आकर्षण*

*१० डझनाचा केळी घड,११ किलोचा भोपळा,१० किलोचा कोहळा आकर्षण*

कोल्हापूर/प्रतिनिधी : मेरी वेदर मैदानावर भरविण्यात आलेल्या भीमा कृषी प्रदर्शनाच्या आजच्या तिसऱ्या दिवशी कृषी प्रदर्शन पाहण्यासाठी लहान मुलांसह आबालवृद्धांनी आणि शेतकऱ्यांनी तोबा गर्दी केली होती.पाच फूट सरडा आणि एकाच मैदानावर तेरा वेळा रेकॉर्ड केलेला हिंदकेसरी हरण्या बैल,अन्य जनावरे पाहण्यासाठी लोकांची अफलातून गर्दी,महापूर मेरी वेदर मैदानावर लोटला होता.याचबरोबर शतकवीर हिंदकेसरी शर्यतीमधील हरण्याबैल, तीन वर्षाची राधा गाय,मारवाडी जातीचा स्टेलियन गब्बर नावाचा काळा रंगाचा घोडा,३५० किलोचे डुक्कर १२० आणि ९० किलो वजनाचे बोकड,३३ इंचाचा घोडा,एक टनाचा लाल कंधारी बैल,मुरा रेडे,१० डझनाचा केळी घड,११ किलोचा भोपळा,१० किलोचा कोहळा प्रदर्शनाचे ठरत आहेत आकर्षण.

कृषी प्रदर्शनाच्या माध्यमातून दरवर्षी आम्हा शेतकऱ्यांना नवनवीन कृषी विषयक माहिती.शासनाच्या वतीने वेगवेगळ्या शेतीसाठी उपयुक्त असलेल्या प्रकल्पांची माहिती मिळते.शिवाय विविध शेती तज्ञ यांनी शेतीविषयक मार्गदर्शन केले ज्याद्वारे आम्हाला शेतीची माहिती मिळाली असल्याचे भेट देण्यासाठी आलेल्या शेतकऱ्यांनी प्रतिक्रिया व्यक्त केल्या.तीन दिवसात शेती साठी आवश्यक साहित्याची नोंदणी झाली आहे.याचबरोबर शेती साहित्य,बी.बियाणे यांचीही मोठ्या प्रमाणात खरेदी केली गेली आहे.

आज तिसऱ्या दिवशी सुमारे १२ कोटींची उलाढाल ही झाली आहे.आज १६ फेब्रुवारी प्रदर्शनाचा शेवटचा दिवस असल्याने दुपारी ४ वाजता सांगता समारंभ व पुरस्कार वितरण समारंभ होणार आहे.

आज कृषी प्रदर्शनाच्या शेवटच्या दिवशी प्रदर्शन पाहण्यासाठी कोल्हापूर तसेच आजूबाजूच्या जिल्ह्यातील शेतकऱ्यांनी यावे असे आवाहन खासदार धनंजय महाडिक यांनी केले आहे.

*चौकट*

भीमा कृषी प्रदर्शनात रिंगन सोहळा आयोजित पार पडला. ज्यामध्ये गोमाता पूजन माजी खासदार अण्णासाहेब जोले,खासदार धनंजय महाडिक यांच्या हस्ते करण्यात आले.यावेळी परीक्षक डॉ.सुनील काटकर, डॉ.शिंदे,किरण रणदिवे,इंद्रजीत जाधव आदी उपस्थित होते.

आज प्रदर्शनस्थळी खासदार धनंजय महाडिक,युथ आयकॉन कृष्णराज महाडिक,सी चॅनेल बी चे व्यवस्थापकीय संचालक पृथ्वीराज महाडिक,भीमा कारखान्याचे चेअरमन विश्वराज महाडिक,भागीरथी महिला संस्थेच्या अध्यक्ष सौ.अरुंधती महाडिक,माजी खासदार अण्णासाहेब जोले यांनी भेट दिली.आजही शेतकऱ्यांना भागीरथी महिला संस्थेच्या वतीने पाच हजार शेतकऱ्यांना मोफत झुणका भाकरीचे वाटप करण्यात आले.

आज १५ रोजी नृत्य मल्हार हा कार्यक्रम झाला.तर १६ फेब्रुवारी रोजी खेळ पैठणीचा हा कार्यक्रम होणार आहे.

*शतक वीर हिंदकेसरी हरण्या बाई पाहण्यासाठी गर्दी*

*शतक वीर हिंदकेसरी शर्यतीमधील *हरण्याबैल* कृषी *प्रदर्शनात दाखल झाला असून त्याला पाहण्यासाठी कोल्हापूरकरांनी मेरी वेदर मैदानावर प्रचंड अफलातून गर्दी केली आहे. लोकांची भिंत म्हणून संबोधला जाणारा हा बैल जुना बुधवार पेठ येथील संदीप विश्वास पाटील यांचा आहे.तो अकरा वर्षाचा असून त्याने शंभर वेळा एक नंबरची बक्षीस मिळवली आहेत. १३९ शर्यतीमध्ये भाग घेतलेला आहे.१७ वेळा दोन नंबरचा मानकरी ठरला आहे. तो रोज पाच लिटर दूध पितो व भरडा हिरवी वैरण खातो. वजनाने ६०० किलोचा असून त्याची शिंगे साडेतीन फूट आहेत. तर लांबी ७ फुट आहे. याच्याशिवाय दुसरा बैल शर्यतीत कोणताच नाही महाराष्ट्रात आणि कर्नाटकात ज्यावेळी मोठी शर्यत असते त्यावेळी त्याचा सहभाग असतो. दोन ट्रॅक्टर आणि पाच मोटरसायकल त्याने जिंकल्या आहेत.एकसंभा येथे १७ लाखाचे बक्षीस मिळविलेले आहे. एकाच मैदानावर त्याने तेरा वेळा रेकॉर्ड केलेला आहे.*

*तीन वर्षाची राधा गाय आकर्षण*

सचिन शिवकुमार हिरेमठ यांची तीन वर्षाची राधा गाय प्रदर्शनाची आकर्षण ठरत असून या गाईचे दूध तिरुपती देवाच्या अभिषेकासाठी वापरले जाते. आतापर्यंत तीन वेळा भीमा कृषी प्रदर्शनाची आकर्षण ठरली आहे. चेतक नावाचा तीन वर्षाचा घोडा भीमा कृषी प्रदर्शनात चॅम्पियन ठरला आहे.चार वर्षे सहा महिने वयाचा पंजाबी काठेवाडी गुलाबी नूखरा जातीचा आहे.

*मारवाडी जातीचा स्टेलियन गब्बर* नावाचा काळा रंगाचा घोडा चार वर्षाचा असून त्याची उंची ६२ इंच आहे. तर ७ फूट लांबी आहे. त्याच्या तोंडावर पंचकल्यांनी पांढरा नाम असून अमोल भास्कर हे त्याचे मालक आहेत.त्यांच्याकडे तो तीन वर्षापासून आहे. हरभरा उडीद डाळ, चार लिटर दूध सकाळी संध्याकाळी पितो त्याची किंमत दीड लाख रुपये इतकी आहे. अकलूज मध्ये चॅम्पियन ठरला असून वेगवेगळ्या शेती प्रदर्शनामध्ये त्याचा सहभाग असतो.

*खास आकर्षण जनावरे पाहण्यासाठी लोकांची गर्दी*

*भारतातील सर्वात मोठा अमेरिकन सरडा प्रदर्शनाचे खास आकर्षण चंदगड येथील ७५ हजार रुपये किंमतीचे ३५० किलो वजनाचे ब्रीड लार्ज व्हाईट मेल आणि फिमेल(पिग डुक्कर) पन्हाळा येथील ९० किलोचा बोकड भादोले येथील १२० किलो वजनाचा बिटल बोकड,७५० किलो वजनाचा एचएफ अडीच वर्षाचा कागल चिमगाव येथील सचिन लाड यांचा रेडा, साडेसात लाख रुपये किंमत असलेला चॉकलेटी रंगाचा अडीच वर्षाचा एक टन लाल कंधारी बैल प्रदर्शनाचे खास आकर्षण आहे.आजरा दरडेवाडी येथील पाच वर्षाचा सर्जा काळा बैल,दहा महिन्याचा गीर बैल,१४ महिन्याचे ब्ल्यू गोल्ड मकाऊ पोपट (पॅरोट) हरियाणाचा मुरा जातीचा युवराज रेडा,साडेचार वर्षाचा २८ महिन्याचा गडहिंग्लजचा सुलतान रेडा, हसुर बुद्रुक येथील २८ महिन्याचा एक टन वजनाचा मुरहा रेडा, १४७० किलो वजनाचा ४ वर्षाचा गोलू मुरा रेडा,८०० किलो वजनाचा जाफराराबादी पंढरपूर रेडा, खास आकर्षण आहेत.याचबरोबर चार फूट लांब शिंगाचा पाच वर्षाचा पंढरपूर जातीचा भैरु रेडा, राशीवडे बुद्रुक येथील काँकरेज वळू,नरेंद येथील २ वर्षे १ महिना २ दाती स्टूलवर उभा राहणारा मुरा रेडा खास आकर्षण*

*देशी विदेशी भाजीपाला,फळे व फुलांचा समावेश*

*स्थानिक भाज्यासह विदेशी भाजीपाला पहावयास मिळत आहे.भाज्यांमध्ये फळ,वांगी,टोमॅटो,शेंग,मिरची,दुधी भोपळा,मोठा भोपळा,हळद,धान्य,लसूण, शिरोळ कोंडीग्रे येथील हिरवी कारली, शिरोळ कुटवाड येथील काजल काकडी, ऑर्किड फुले, झेंडू फुले, गलांडा, शामली फुले, बालिंगा येथील जरबेरा आदींचा समावेश आहे. तर शंभर रुपये एक ऊस असलेला देशी शिवकालीन काळा ऊस प्रदर्शनात विक्री होत आहे.*

*तर भाज्यांमध्ये सुळकुड येथील मुलगोंडा पाटील यांचा अकरा किलोचा वजनाचा भोपळ, हालोंडी येथील पाच किलो वजनाचा (पपनस ईडलिंबू), शिरोळ येथील १५ किलो वजनाची हळद गठ्ठा,२५ किलो वजनाचा दहा डझनाचा देशी केळीचा घड, एवढे येथील वळीवडे येथील अर्धा किलोची कांदा पात, भोगमवाडी येथील यांच्या शेतातील एक फुटाचे रताळ, मांजरी गेळा येथील एक किलोचे वांगे, महाकवे येथील दीड किलो वजनाचे रताळ, हुपरी येथील प्रकाश अण्णा माळी यांचा अकरा किलोचा भोपळा, जंगलात उगवणारी रानकेळी प्रदर्शनाचे खास आकर्षण ठरत आहेत.*

*प्रदर्शनात अशी आहेत जनावरे,पक्षी*

प्रदर्शनामध्ये अमेरिकन शेळ्या, बोकड, असे खास आकर्षण आहेत तर खास सांगोला, दहिवडीवरुन जातिवंत खिल्लार खोंड व खिल्लार गायी सहभागी झाल्या आहेत. परभणी, नांदेड, लातूर येथून लालकंधारी व देवणी, एच एफ जर्शी, साहिवाल, गिर इत्यादी जातीची खोंड, गाई आल्या आहेत, तसेच पंढरपुरी मुह्रा, मेहसाना, जाफराबादी म्हैस, रेडे सहभागी आहेत. तर जातिवंत घोडे, शेळ्या, मेंढ्या, वराह, विविध जातीच्या कोंबड्या तसेच विविध जातीचे पक्षी आले आहेत.शिवाय कागल मधील हैदर अली यांचा ब्रँड ब्रिडिंग फार्म मांडण्यात आली आहे.

ज्यात अमेरिकन बेंटम बोकड पांढरे रंगीबेरंगी पक्षी, कबुतरे, ब्लॅक ऍस्ट्रोलॉक कोंबडी, जापनीज बेन्टेस कोंबडी, कडकनाथ चिनी कोंबडी, कोलंबियन ब्रम्हा कोंबडा, पर्शियन मांजर, रनर बदक, मरकवी बदक, घुस, हेडलॉक पांढरे उंदीर, हंगस्टर पक्षी, राजहंस,लवबर्ड,पोपट कागल येथील अमेरीकन १८ इंचाची बिल्टन बोकडे, टर्की कोंबडी बदक व्हाईट पीकॅन बदक, हेमस्टर जातीचे पांढरे उंदीर,हेज टॉग पांढरा उंदीर,टर्की कोंबडा,प्रदर्शनाचे आकर्षण ठरत आहे. एक टनाचा कानाच्या पुढे वळलेल्या शिंगांचा जाफराबादि सुलतान रेडा आदी जनावरे प्रदर्शनात आली आहेत. ती आकर्षण ठरत आहेत.

*आज १६ फेब्रुवारी रोजी होणार समारोप*

प्रदर्शनाचा भीमा कृषी प्रदर्शनाचा आज सोमवार १६ फेब्रुवारी रोजी सायंकाळी चार वाजता सांगता व बक्षीस वितरण समारंभ होणार आहे. यासाठी विशेष अतिथी म्हणून इचलकरंजी महानगरपालिकेचे महापौर श्री. उदय धांतुडे ,उपमहापौर अनिल डाळ्या यांची उपस्थिती असणार आहे. तर महाराष्ट्र राज्याचे माजी राज्यमंत्री आ. राजेंद्र पाटील यड्रावकर, आ. चंद्रदीप नरके, आ.अशोकराव माने,आ. शिवाजीराव पाटील, भाजपाचे महाराष्ट्र प्रदेश उपाध्यक्ष सुरेश हाळवणकर, शाहू ग्रुपचे अध्यक्ष राजे समरजित सिंह घाडगे, माजी आ. संजयबाबा घाडगे, जिल्हा परिषद माजी अध्यक्षा सौ.शौमिका महाडिक, बी न्यूज चे कार्यकारी संचालक पृथ्वीराज महाडिक, भीमा सहकारी साखर कारखान्याचे अध्यक्ष विश्वराज महाडिक आदींची प्रमुख उपस्थिती असणार आहे

*आज झालेली व्याख्याने*

आज १५ फेब्रुवारी रोजी प्रा.ऋतुराज सयाजीराव चव्हाण तज्ञ व तांत्रिक सल्लागार यांनी सेंद्रिय शेतीसाठी अचूक निविष्ठांचा वापर काळाची गरज विषयावर विचार मांडताना

शेण खताविना शेती पिकेना

माती मायेची सुपीकता जाईना

दहा गाड्यांच्या एवजी एकही ना

तुका म्हणे जमिनीचा कस जाईना

अशी तुकाराम महाराजांची ओवी सांगत शेतकऱ्यांना सेंद्रिय शेतीमध्ये वापरल्या जाणाऱ्या विविध निविष्ठा त्याचबरोबर नैसर्गिक दृष्ट्या उपलब्ध होणाऱ्या व कमी खर्च असणाऱ्या तसेच रासायनिक खतांवरील खर्च कमी करणाऱ्या सेंद्रिय निविष्ठां संदर्भात सखोल मार्गदर्शन केले.तसेच शेतीकडे व्यापारी दृष्टिकोन शाश्वत पर्यावरणाशी निगडीत उत्पादनविषयी मार्गदर्शन केले.

माजी मृदा शास्त्रज्ञ व प्रमुख प्रादेशिक ऊस व गुळ संशोधन केंद्र कोल्हापूरचे प्रा. डॉ जे.पी.पाटील यांनी सध्या बिघडलेल्या जमिनीचे आरोग्य सुस्थितीत आणण्यासाठी जमीन व्यवस्थापन विशेष करून सेंद्रिय घटकांचा वापर पिकांची फेरपालट व एकात्मिक अन्नद्रव्य व्यवस्थापनाविषयी सखोल मार्गदर्शन केले.

डॉ. श्री. सॅम लुद्रिक (पशुधन विकास अधिकारी महाराष्ट्र शासन) यांनी दुधाळ जनावरांची निगा व संगोपन या विषयावर विचार मांडताना शेतीशी निगडीत दुय्यम दुग्ध व्यवसाय विषयी मार्गदर्शन करताना दुधाळ जनावरांची निगा निवड व खाद्य व्यवस्थापन तसेच लसीकरण याविषयी सखोल मार्गदर्शन केले. शेतकऱ्यांनी आपल्या आरोग्याची योग्य ती काळजी घेणे आवश्यक असून लंपीची लस शासनाच्या मार्फत तयार करण्यात आली आहे.तिचा उपयोग आपल्या जनावरांसाठी करावा असे आवाहन शेतकऱ्यांना केले.यावेळी युवा प्रगतशील शेतकरी युवराज तुकाराम माने राहणार कोपार्डे यांचा सन्मान करण्यात आला.

*उद्या १६ रोजी होणारी व्याख्याने*

१६ फेब्रुवारी रोजी भाजीपाला सुधारित लागवड व परदेशी भाजीपाला लागवड तंत्रज्ञान या विषयावर डॉ. श्री. भरत तुकाराम पाटील भाजीपाला पैदासकर व प्रमुख फलोद्यान विभाग महात्मा फुले विद्यापीठ राहुरी, जि. अहिल्यानगर हे विचार व्यक्त करणार आहेत. तर कृषी विभागाच्या विकासात्मक योजना व वापर या विषयावर तालुका कृषी अधिकारी करवीरचे श्री. युवराज पाटील मार्गदर्शन करणार आहेत आणि तालुका कृषी अधिकारी कागलचे श्री. शेखर थोरात शेतकऱ्यांना मार्गदर्शन करणार आहेत.

*कृषी विभागाची माहिती*

महाराष्ट्र शासन कृषी विभाग व आत्माच्या वतीने शेती उपयुक्त डेमो या ठिकाणी सादर करण्यात आले आहेत.ज्यामध्ये सुपर केन नर्सरी, क्षारपड जमीन सुधारणा मुख्यमंत्री शाश्वत कृषी सिंचन योजना, शेततळ्याचे प्लास्टिक अस्तरीकरण, आत्माच्या वतीने राष्ट्रीय नैसर्गिक शेती अभियान या अंतर्गत योजनेची उद्दिष्टे योजना काय आहे याचा प्रकल्प या ठिकाणी सादर करण्यात आला आहे. गोशाळा कशी असावी याची प्रात्यक्षिक दाखविण्यात आले आहे. एकात्मिक फलोत्पादन विकास अभियान, भाऊसाहेब फुंडकर फळबाग लागवड योजना, महात्मा गांधी राष्ट्रीय ग्रामीण रोजगार हमी योजना या अंतर्गत ठिबक सिंचन, आंबा लागवड,गांडूळ युनिट दाखविण्यात आले आहेत. त्याचबरोबर गोपीनाथ मुंडे शेतकरी अपघात सुरक्षा सानुग्रह अनुदान योजना, कीटकनाशके फवारताना काय करू नये याबाबत माहिती देण्यात आली आहे. शासनाच्या विविध योजना यामध्ये महाडीबीटी अर्ज एक योजना अनेक काय आहेत हे मांडण्यात आले आहे. त्याचबरोबर मातीचा नमुना कसा घ्यावा अन्नपौष्टिक तृणधान्य याबाबत माहिती मांडण्यात आली आहे.ड्रोन माध्यमातून शेती कशी करावी याचीही माहिती दिली जात आहे.कीटकनाशके फवारताना कामगंध सापळा पक्षी थांबे रोपांत द्वारे ऊस लागवड, पौष्टिक तृणधान्याच्या पासून तसेच प्रदर्शनात पाचट व्यवस्थापन ए आय तंत्रज्ञानचा वापर करून स्मार्ट शेती उपयोग, ड्रोनद्वारे फवारणी सेंसरचा वापर कृत्रिम रेतन ए.आय किटचा वापर याबाबत प्रदर्शनात मार्गदर्शन होत आहे.

भिमा कृषी प्रदर्शनास कृषी विभाग व किसान कल्याण मंत्रालय, कृषी विभाग, महाराष्ट्र राज्य, पशुसवर्धन विभाग, आत्मा, जिल्हा परिषद कोल्हापूर, वृंदावन फाउंडेशन आणि कोल्हापूर ऑटोमोबाईल डिलर्स असोसिएशन यांचे विशेष सहकार्य लाभले आहे. आज शेवटचा दिवस प्रदर्शन सकाळी १० ते रात्री ९ वाजेपर्यंत खुले राहणार आहे.प्रदर्शनासाठी या प्रदर्शनासाठी प्रा. जे.पी.पाटील, डॉ. अजित शिंदे, डॉ.सुनील काटकर, सर्जेराव धनवडेदादा, अशोक सिधनेर्ले,दिलीप दळवी,सुजित चव्हाण ,किरण रणदिवे, डॉ.निवृत्ती पाटील, डॉ.सुखदेव साबळे, डॉ.अंकुश काळे,. डॉ.अजय कुरणे,डॉ.किरण उनउणे,प्रा.ऋतुराज चव्हाण, डॉ.मंगलसिंग जाधव,डॉ. वर्षा मिंड कृषी विभागाची टीम आदी परिश्रम घेत आहेत.

भीमा कृषि प्रदर्शनात धान्य महोत्सव दालनात दोन दिवसात विक्री झालेला शेतमाल :

१) सेंद्रीय गूळ : एक किलोचे एक पंधराशे रवे

२) इंद्रायणी तांदूळ : ४१०० kg

३) आजरा घनसाळ : २५०० kg

४) इंद्रायणी कणी : १७०० kg

५) रत्नागिरी २४ : ४६०० kg

६) सेंद्रीय हळद : ६०० kg

७) नाचणी : ९०० kg

८)हात सडीचा काळा तांदूळ १२०० kg

Latest Updates

Most Views

Top Stories

Editor's Choice

Advertisements

Grid Posts

Thumbnail

Tile List

Tile Posts

List Posts

Grid Posts

Thumbnail

Tile Posts

Grid Posts

List Posts

Recent Posts