दिवाळीच्या पार्श्वभूमीवर
शहरात १८ विशेष पथके तैनात -आयुक्त डॉ. कादंबरी बलकवडे-महापौर सौ.निलोफर आजरेकर
कोल्हापूर/प्रतिनिधी : दिवाळी सणाच्या पार्श्वभूमीवर शहरात होणारी गर्दी नियंत्रित ठेवण्यासाठी महापालिकेच्यावतीने १८ विशेष पथके तैनात केली असून या पथकामार्फत गर्दी नियंत्रित करण्याबरेाबरच कोरोना प्रतिबंधक उपाययोजनांची कठोरपणे अंमलबजावणी केली जाणार असल्याचे आयुक्त डॉ. कादंबरी बलकवडे यांनी स्पष्ट केले.
कोरोना कमी झाला असला तरी धोका टळलेला नसल्याचे स्पष्ट करुन आयुक्त डॉ. कादंबरी बलकवडे म्हणाल्या, कोरोनाच्या पार्श्वभूमीवर शहरात दिवाळी सणानिमित्त होणारी गर्दी नियंत्रित ठेवण्यासाठी महापालिका प्रशासन सज्ज आणि सतर्क असून शहरातील महत्वाची १८ ठिकाणे निश्वित करुन १८ विशेष पथके तैनात केली असून यासाठी १०८ कर्मचाऱ्यांची नियुक्ती केली आहे. प्रत्येक पथकामध्ये ६ कर्मचारी असून ही पथके सकाळी ८ ते रात्री १० वाजेपर्यंत गर्दी नियंत्रित करणे आणि कोरोना प्रतिबंधक उपाययोजनांची कठोरपणे अंमलबजवणी करतील.
महापालिकेच्यावतीने शहरात नियुक्त करण्यात आलेली १८ ठिकाणे आणि त्याच्या फिरतीचे मार्ग पुढीलप्रमाणे आहे.
बिंदू चौक > बिंदू चौक,भवाजी मंडप-जल-शिवाजी चौक-लुगडी ओळ- लक्ष्मीपुरी मार्केट ते बिदू चौक- मिरजकर तिकटी > मिरजकर तिकटी- शिंगोशी मार्केट –महाराणी ताराबाई विद्यालय (फुलांचा बाजार)- नंगीवाली चौक-रेसकोर्स नाका-खरी कॉर्नर ते मिरजकर तिकटी.
जुना वाशीनाका > राजकपुर पुतळा- देवकर पाणंद-सानेगुरुजी वसाहत –आपटेनगर पाण्याची टाकी. आरकेनगर- जरगनगर-आरकेनगर-पाचगांव- आयटीआय-सुभाषनगर चौक-ध्यानचंद हॉकी स्टेडियम परिसर. पापाची तिकटी, जावळाचा गणपती- पाडळकर मार्केट- भाजी मार्केट-शुक्रवार पेठ- जोशी गल्ली-मनपा परिसर-पान लाईन ते पापाची तिकटी.
बिनखांबी गणेश मंदिर – महाव्दार रोड-अर्धा शिवाजी पुतळा-उभा मारुती चौक-ताराबाई रोड-श्री अंबाबाई – महालक्ष्मी मंदिर ते पापाची तिकटी. लक्ष्मीपुरी – महाराना प्रताप चौक- लक्ष्मीपुरी-कोंडा ओळ-उषा टॉकीज- दसरा चौक-आयोद्या टॉकीज. व्हीनस कॉर्नर – उषा टॉकीज-स्टेशन रोड-एसटी स्टँन्ड परिसर- ताराराणी चौक परिसर-ताराबाई पार्क परिसर-न्यू शाहुपुरी परिसर.
उमा टॉकीज – कॉमर्स कॉलेज- उमा टॉकीज- पार्वती टॉकीज-उद्यमनगर परिसर- गोखले कॉलेज. गोखले कॉलेज – हुतात्मा पार्क – वायपी पोवार नगर-माऊली चौक परिसर-जवाहर नगर परिसर. रंकाळा टॉवर – जुनावाशी नाका- जाऊळाची गणपती-खांडसरी-लक्षतीर्थ वसाहत-फुलेवाडी परिसर. राजारामपुरी – रेल्वे फाटक- जनता बाजार चौक-राजारामपुरी (सर्व गल्या जाता-येता वसरुटसह) सायबर परिसर-शाहुमिल.
जिल्हाधिकारी कार्यालय – जिल्हा परिषद-आरटीओ ऑफिस व परिसर- एमएसईबी-विवेकानंद कॉलेज परिसर . लाईन बाजार – जिल्हा न्यायालय-डॉ.डी.वाय.पाटील मेडीकल कॉलेज- भगवा चौक परिसर-फायर ब्रिगेड ऑफिस परिसर- शुगरमील फाटा.
कदमवाडी – सदर बाजार- भोसलेवाडी- कदमवाडी- लिशा हॉटेल परिसर. शाहुपूरी – शहुपुरी सर्व परिसर- बागल चौक- कुंभार गल्ली. मॉर्निंग वॉक – रंकाळा परिसर- शिवाजी विद्यापीठ- हॉकी स्टेडियम- आयटीआय – सानेगुरुजी वसाहन ते जिवबानाना पार्क- कळंबा.
मॉर्निंग वॉक – महावीर कॉलेज- डीएसपी ऑफीस- महावीर गार्डन- धैर्यप्रसाद हॉल- सर्कीट होऊस – नानानानी पार्क असा निश्चित केला आहे.
तरी नागरिकांनी कोरोना प्रतिबंधक उपायोजनांचे काटेकोरपणे पालन करुन कोरोना नियंत्रणासाठी महापालिकेस सहकार्य करावे, यामध्ये नागरिकांनी नेहमी मास्क वापरावा, सॅनिटायझरचा वापर करावा, सामाजिक अंतराचे पालन करावे, सार्वजनिक ठिकाणी थुंकू नये, बाजारपेठात गर्दी करु नये शक्यतो गर्दीच्या ठिकाणी जाणे टाळावे, असे आवाहनही महापौर सौ. निलोफर आजरेकर आणि आयुक्त डॉ. कादंबरी बलकवडे यांनी केले आहे.
