गोकुळ कडून गाय दूध खरेदी दरात १ रुपये वाढ – गोकुळ दूध संघ चेअरमन श्री.विश्वास पाटील
कोल्हापूर/प्रतिनिधी : कोल्हापूर जिल्‍हा सहकारी दूध उत्पादक संघ (गोकुळ) संघाशी सलग्न दूध उत्पादक शेतकऱ्यांना गाय दूध खरेदी दरामध्‍ये दिंनाक २१ ऑगस्ट २०२२ रोजी पासुन संघाने सध्याचे गाय दूध खरेदी दरामध्‍ये वाढ केलेली आहे. त्‍यास अनुसरून गाय दुधासाठी सरासरी प्रतिलिटर १ रूपये वाढ केलेली आहे. दि. २५ ऑगस्ट २०२२ रोजीच्‍या संचालक मंडळाच्‍या बैठकीमध्‍ये हा निर्णय घेण्‍यात आला आहे.अशी माहिती संघाचे चेअरमन विश्वास पाटील यांनी दिली.तरी दि.२१ ऑगस्ट २०२२ रोजी पासून गाय दूध खरेदी दर ३.५ फॅट व ८.५ एस.एन.एफ प्रतिचे दुधास प्रतिलिटर रूपये ३१.००असा दर राहिल अशी माहिती श्री. पाटील यांनी दिली व पुढे बोलताना म्हणाले होणारी गाय दूध खरेदी दरात वाढ चार वेळा करून दूध उत्पादक शेतकऱ्याना दिलासा देण्याचे काम केले आहे असे म्हणाले.
तसेच सुधारित दरपत्रक संघामार्फत प्राथमिक दूध संस्थाना पाठवणेत येणार आहेत
