कोरगावकर पेट्रोल पंपावर राबविले जात आहेत विविध विधायक उपक्रम
कोल्हापूर/प्रतिनिधी : कोरगावकर पेट्रोल पंपाचे नाव भारतामध्ये उच्चांकी इंधन विक्री करणाऱ्या पेट्रोल पंपापैकी एक आहे.कोरगावकर पेट्रोल पंपावर नेहमीच विविध उपक्रम राबविले जातात.अनेक सामाजिक कार्यक्रमासह विविध उपक्रम राबविण्यात कोरगावकर फॅमिली पुढे असते.असाच उपक्रम डिझेल १ रु व पेट्रोल २ रु. स्वस्त दराने २६ जानेवारी रोजी उपक्रम राबविण्यात आला.यामध्ये दिवसभर ग्राहकांची पेट्रोल व डिझेल खरेदीसाठी गर्दी झाली होती.
पंपाचे मालक हे ज्येष्ठ स्वातंत्र्य सैनिक कै. अनंतराव गोविंदराव कोरगावकर यांनी या पंपाची स्थापना ६५ वर्षांपूर्वी केली होती. त्यांना इंदिरा गांधी नॅशनल अँवॉर्ड २००० साली देऊन गौरविण्यात आले होते. त्याचवेळी मदर टेरेसा हा सुद्धा अँवॉर्ड देऊन प्रजासत्ताक दिनी गौरवण्यात आले होते. याचे औचित्य साधून त्यांच्या कुटुंबियांनी त्यांच्या स्मृतीप्रित्यर्थ इंधन कमी दराने म्हणजे डिझेल १ रु व पेट्रोल २.रु कमी दराने विक्री करून ही आदरांजली वाहिली आहे.हा कार्यक्रम १५ ऑगस्ट व २६ जानेवारी रोजी नियमित केला जातो.
कै. अनंतराव कोरगावकर यांच्या स्मृतिप्रीत्यर्थ सामाजिक कार्यास मान देत अनेक विधायक उपक्रम राबविले जात आहेत यात पंपावर दररोज सकाळी ९ वाजता राष्ट्रगीत गाऊन दिवसाची सुरुवात केली जाते .हा राष्ट्राभिमानाचा उपक्रम याठिकाणी निरंतर चालू आहे.शिवाय कै. अनंतराव गोविंदराव कोरगावकर यांच्या विचाराची आठवण राहावी यासाठी सर्व स्टाफला मोफत नाश्ता व दुपारी १ वाजता येणाऱ्या लोकांना मोफत भोजन दिले जाते.
याचबरोबर सालाबाद प्रमाणे यंदाही दीपावली व नूतन वर्ष बंपर लकी ड्रॉचा बक्षीस वितरण सोहळा येथील मे. कोरगावकर अँड सन्स पेट्रोल पंप येथे संपन्न झाला.
नियोजित कालावधीत ज्या ग्राहकांनी येथील पंपावर इंधन घेतले व आपल्या नावाचे कुपन बॉक्समध्ये टाकले, त्यातील पन्नास भाग्यवान ग्राहकांचे कुपन लहान मुलांना बोलावून काढण्यात आले. त्या भाग्यवान विजेत्या ग्राहकांना ग्राहक उपयोगी वस्तूंचे बक्षीस वितरण नुकतेच करण्यात आले.
यावेळी पंपाचे मालक अमोल कोरगावकर व राज कोरगावकर उपस्थित होते. आशिष कोरगावकर व अनिकेत
कोरगावकर व कर्मचारी यांचे यासाठी सहकार्य लाभले.
