कोल्हापुरात पहिल्यांदाच राष्ट्रीय जलतरण स्पर्धेचे आयोजन देशभरातून येणार स्पर्धक
कोल्हापूर/प्रतिनिधी : स्विमिंग हब फौंडेशनच्या वतीने कोल्हापूर जिल्ह्यामध्ये प्रथमच ५ ते ८ जानेवारी २०२३ या कालावधीमध्ये श्रीमंत शाहू छत्रपती महाराज अमृत महोत्सव वर्षानिमित्त राष्ट्रीय जलतरण स्पर्धेचे आयोजन करण्यात आले आहे सदर स्पर्धेसाठी टचपॅड या सुविधेचा वापर करुन सदरची स्पर्धा संपन्न होणार असल्याची माहिती आयोजकांनी आज पत्रकार परिषदेत दिली असून या स्पर्धेत देशातून २८ राज्ये तसेच ८ केंद्रशासीत प्रदेशातील जलतरण खेळाडू येणार आहेत.
५ ते ८ जानेवारी २०२३ दरम्यान स्पर्धा
यंदा प्रथमच कोल्हापुरात राष्ट्रीय जलतरण स्पर्धेचे आयोजन करण्यात आले आहे.ही स्पर्धा ५ ते ८ जानेवारी २०२३ दरम्यान कोल्हापुरातील राजश्री छत्रपती शाहू कॉलेज येथील सागर पाटील जलतरण तलाव येथे होणार असून या स्पर्धेत देशातून २८ राज्ये तसेच ८ केंद्रशासीत प्रदेशातील जलतरण खेळाडू येणार असून राज्यातील व केंद्रशासीत प्रदेशामधील जलतरण संघटनेच्या माध्यमातून त्या त्या ठिकाणी खेळाडूपर्यंत स्पर्धेची माहिती पोहचविण्यासाठी संघटनेच्या इ-मेल आयडी वरती वेबसाईट व स्पर्धेत सहभागी होण्यासाठी निमंत्रण पत्र पाठवण्यात आले असल्याची माहिती स्पर्धेचे आयोजक दीपक घोडके यांनी सांगितले आहे.
अशी असणार स्पर्धा
सदर स्पर्धेसाठी सहभागी होणाऱ्या खेळाडूंना स्पर्धेसाठी नॅशनल लेव्हलचा ५० मिटरचा जलतरण तलाव तसेच टच पॅड व स्पर्धेमध्ये प्राविण्य मिळविणाऱ्या खेळांडूसाठी रोख रुपयाची बक्षिसे वितरीत करण्यात येणार आहे. तर सदर स्पर्धेची नोंदणी प्रक्रिया ऑनलाईन असून ६ डिसेंबर २०२२ ते २७ डिसेंबर २०२२ रात्री ११ पर्यंत सुरु राहणार आहे. सदर स्पर्धेमध्ये खेळाडू रजिस्ट्रेशन फी ६०० रु. व प्रति इव्हेंट १०० रु. इतकी आकारली जाणार आहे. सदरची स्पर्धा ५ ग्रुपमध्ये आयोजित केली असून सर्व ग्रुपमध्ये व्यक्तीगत चॅम्पीयनशिप निवडली जाणार आहे. पत्रकार परिषदेला दीपक घोडके,निलेश जाधव, रमेश मोरे,उमेश कोडोलीकर, महेश पाटील उपस्थित होते.
