मराठी कवी लेखक संघटना
जिल्हाध्यक्षपदी श्रीराम पचिंद्रे
कोल्हापूर/प्रतिनिधी : मराठी कवी आणि लेखकांचे हितसंवर्धन करण्याच्या उद्देशाने स्थापन करण्यात आलेल्या मराठी कवी लेखक संघटनेच्या कोल्हापूर जिल्हाध्यक्षपदी ज्येष्ठ कवी, लेखक, संपादक श्रीराम पचिंद्रे यांची निवड करण्यात आलेली आहे. उपाध्यक्षपदी ज्येष्ठ कवयित्री लेखिका सुजाता पेंडसे तर सचिवपदी ज्येष्ठ कवी विलास माळी यांची निवड करण्यात आलेली आहे.
संघटनेचे केंद्रीय अध्यक्ष दिनकर दाभाडे यांनी ही निवड जाहीर केली.इतर कार्यकारिणी अशी- सहसचिव- समीक्षक, लेखक प्रा.डॉ. गोपाळ गावडे, कोषाध्यक्ष- अरुणा भोसले, सहकोषाध्यक्ष- अर्पणा माने, संघटक- संजय थोरात, सल्लागार- प्रदीप गबाले, मधुकर मुसळे, प्रा. डॉ. राजेंद्र पोंदे, प्रा. डॉ. आनंद बल्लाळ आणि वसंत लिंगनूरकर. संघटनेची व्यापक ऑनलाईन बैठक शुक्रवार, दि. २३ ऑक्टोबर या दिवशी घेण्यात येणार आहे.