विजय आमचाच आहे आमदार ऋतुराज पाटील यांचे प्रतिपादन
कोल्हापूर/प्रतिनिधी : दिवंगत आमदार चंद्रकांत जाधव यांचे खऱ्या अर्थाने अपूर्ण राहिलेले स्वप्न पूर्ण करण्याची जबाबदारी महाविकास आघाडीच्या उमेदवार जयश्री जाधव यांच्यावर आलेली आहे. त्यांना आधार, पाठबळ व न्याय देण्याचे काम कसबा बावडा व लाईन बझारच्या वतीने आम्ही करतोय. मला विश्वास आहे, येत्या १२ तारखेला बावड्याच्या वतीने त्यांना चांगल्या मताधिक्क्याने मतदान होणार आहे. त्यामुळे विजय आमचाच आहे. असे प्रतिपादन आमदार ऋतुराज पाटील यांनी येथे केले.
कोल्हापूर उत्तरच्या महाविकास आघाडीच्या उमेदवार जयश्री जाधव यांच्या कसबा बावड्यातील प्रचाराचा शुभारंभ बावड्याचे ग्रामदैवत असलेल्या हनुमान मंदिरात आमदार ऋतुराज पाटील यांच्या हस्ते श्रीफळ वाढवून करण्यात आला. त्यावेळी ते बोलत होते.आमदार ऋतुराज पाटील म्हणाले पालकमंत्री सतेज पाटील यांच्या नेतृत्वाखाली काम करत असताना कसबा बावड्याने नेहमीच प्रत्येक वेळी आधार दिला आहे. येतो १२ तारखेलाही जयश्री जाधव यांना बावड्यातून भरघोस मताधिक्य मिळणार आहे.
प्रचार शुभारंभ प्रसंगी श्रीराम सोसायटीचे चेअरमन हरी पाटील, संतोष पाटील, माजी नगरसेवक मोहन सालपे, डॉ. संदीप नेजदार, सुभाष बुचडे, अशोक जाधव तसेच गजानन बेडेकर ,विनायक कारंडे, माधुरी लाड, सागर यवलुजे, राजीव चव्हाण ,मिलिंद पाटील तसेच विविध मंडळांचे कार्यकर्ते ,नागरिक मोठ्या संख्येने उपस्थित होते.यावेळी आंबे गल्ली, बलभीम गल्ली,माळ गल्ली ,पिंजार गल्ली, कवडे गल्ली,धनगर गल्ली ,चव्हाण गल्ली अधिक गल्लीतून प्रचार पत्रके वाटत फेरी काढण्यात आली.
