Friday, July 19, 2024
Home ताज्या वारणा कापशी येथील आरव केसरे या पाच वर्षीय बालकांच्या मृत्यूचे गूढ उकलण्यात...

वारणा कापशी येथील आरव केसरे या पाच वर्षीय बालकांच्या मृत्यूचे गूढ उकलण्यात पोलिसांना यश बापानेच केला मुलाचा खून

वारणा कापशी येथील आरव केसरे या पाच वर्षीय बालकांच्या मृत्यूचे गूढ उकलण्यात पोलिसांना यश बापानेच केला मुलाचा खून

कोल्हापूर/प्रतिनिधी : शाहूवाडी तालुक्यातील वारणा कापशी येथील आरव केसरे या पाच वर्षीय बालकांच्या मृत्यूचे गूढ उकलण्यात पोलिसांना बुधवारी यश आले आहे.पत्नीचे परपुरुषाशी अनैतिक संबंध असल्याच्या कारणावरून आरोपीचा पत्नीशी सतत वाद होत होता. याच रागातून जन्मदात्या पित्यानेच स्वतःच्या मुलाचा गळा आवळून खून केल्याच निष्पन्न झाले असून या प्रकरणी आरवचे वडील राकेश केसरे याला  ताब्यात घेतले असल्याची माहिती पोलिस अधीक्षक शैलेश बलकवडे यांनी पत्रकार बैठकीत दिली आहे. शाहूवाडी तालुक्यातील वारणा कापशी येथील आरव केसरे हा पाच वर्षाचा मुलगा रविवार सायंकाळ पासून बेपत्ता झाला होता.आरवचे वडील राकेश केसरे यांने मुलगा बेपत्ता झाल्याची फिर्याद शाहूवाडी पोलिसात दिली होती. यानंतर पोलिस आणि ग्रामस्थांनी मिळून परिसरात याचा शोध घेतला होता. मात्र तो मिळून आला नव्हता. मंगळवारी सकाळी आरवचा मृतदेह त्यांच्या घराजवळच आढळून आला. आरवच्या मृतदेहावर हळद-कुंकू टाकण्यात आल्यामुळे हा नरबळीचा प्रकार असल्याचा संशय सुरुवातीला वर्तविण्यात येत होता. मात्र  श्वान त्याच्या घराजवळच घुटमळत राहिल्याने पोलिसांनी आरवच्या दहा ते पंधरा नातेवाईकांची कसून चौकशी केली. कमालीची गोपनीयता बाळगत पोलिसांनी केलेल्या तपासात आरवचा खून त्याच्या वडिलांनी केल्याचे तपासात पुढे आले आहे. पत्नीचे अनैतिक संबंध असून आरव हा आपला मुलगा नसून परपुरुषाचा आहे, असा समज करून वारंवार आरोपी राकेश केसरे पत्नीशी सतत वाद घालत होता. यातूनच आरोपीने रागाच्या भरात केलेल्या मारहाणीत आरव बेशुद्ध पडल्यामुळे त्याच्या जन्मदात्या पित्यानेच गळा दाबून त्याचा खून केल्याचे निष्पन्न झाले आहे. वडील राकेश रंगराव केसरे याने तशी कबुली दिली असून शाहूवाडी पोलिसांनी त्याला ताब्यात घेतले असल्याची माहिती  पोलीस अधीक्षक शैलेश बलकवडे, यांनी पत्रकार बैठकीत दिली आहे. या पत्रकार बैठकीला अप्पर पोलीस अधीक्षक तिरुपती काकडे,पोलीस उपाधीक्षक रवींद्र साळुंखे, स्थानिक गुन्हे शाखेचे पोलिस निरीक्षक प्रमोद जाधव, शशिराज पाटोळे, प्रसाद कोळपे यांच्यासह पोलिस अधिकारी उपस्थित होते.राकेश केसरे यास न्यायालयासमोर हजर केले असता पाच दिवसांची पोलीस कोठडी सुनावण्यात आली आहे.

LEAVE A REPLY

Please enter your comment!
Please enter your name here

- Advertisment -

Most Popular

घोडावत विद्यापीठतील फार्मसी विभागाच्या विद्यार्थ्यांची नामांकित कंपनीमध्ये निवड

घोडावत विद्यापीठतील फार्मसी विभागाच्या विद्यार्थ्यांची नामांकित कंपनीमध्ये निवड किमया शिंदे व अरिहंत परमाज यांना साडेपाच लाखाचे पॅकेज अतिग्रे/प्रतिनिधी :संजय घोडावत विद्यापीठाने शिक्षण क्ष्रेत्रात अल्पावधीतच आपले नाव...

संजय घोडावत इन्स्टिट्यूटमध्ये डॉ. सुहास देशमुख यांचे विद्यार्थ्यांसाठी मार्गदर्शन कार्यक्रमाचे आयोजन

संजय घोडावत इन्स्टिट्यूटमध्ये डॉ. सुहास देशमुख यांचे विद्यार्थ्यांसाठी मार्गदर्शन कार्यक्रमाचे आयोजन कोल्हापूर/प्रतिनिधी : जागतिक युवा कौशल्य दिनाच्या निमित्ताने विविध कार्यक्रमांतर्गत डॉ. सुहास देशमुख, संचालक, राष्ट्रीय...

हेल्थ इन्श्युरन्स संकल्पनांचे स्पष्टीकरण

हेल्थ इन्श्युरन्स संकल्पनांचे स्पष्टीकरण श्री. भास्कर नेरुरकर हेड - हेल्थ ॲडमिनिस्ट्रेशन टीम, बजाज आलियान्झ जनरल इन्श्युरन्स. तांत्रिक डोमेन आणि कायदेशीर करार असल्यामुळे बहुतांश इन्श्युरन्स संकल्पना या...

केंद्रीय गृहमंत्री अमित शहा सीपीआर भूमिपूजन व जिल्हा बँक नूतन इमारतीच्या उद्घाटनासाठी कोल्हापुरात येणार

केंद्रीय गृहमंत्री अमित शहा सीपीआर भूमिपूजन व जिल्हा बँक नूतन इमारतीच्या उद्घाटनासाठी कोल्हापुरात येणार जुलै अखेरीस किंवा ऑगस्ट पहिल्या आठवड्यात होणार कार्यक्रम,दहा हजार वृक्ष लावण्याची...

Recent Comments