Tuesday, July 23, 2024
Home ताज्या शहर काँग्रेसने रक्तदान शिबीराने डॉ बाबासाहेब आंबेडकरांची जयंती केली साजरी

शहर काँग्रेसने रक्तदान शिबीराने डॉ बाबासाहेब आंबेडकरांची जयंती केली साजरी

शहर काँग्रेसने रक्तदान शिबीराने डॉ बाबासाहेब आंबेडकरांची जयंती केली साजरी

कराड/प्रतिनिधी : कोरोना बाधितांची संख्या सगळीकडे वाढत आहे. बाधितांना रक्ताची नितांत गरज असते अश्यावेळी रक्ताचा तुटवडा जाणवू लागला आहे. यासाठी महाराष्ट्र प्रदेश काँग्रेस कमिटी च्या वतीने डॉ बाबासाहेब आंबेडकर जयंती निमित्त राज्यभर प्रत्येक जिल्ह्यात व तालुक्यात रक्तदान शिबिराचे आयोजन केले होते. याअनुषंगाने कराड शहर काँग्रेसच्या वतीने कराड येथे डॉ बाबासाहेब आंबेडकर पुतळ्यानजीक समाज मंदिर येथे रक्तदान शिबिराचे आयोजन केले होते. माजी मुख्यमंत्री आ पृथ्वीराज चव्हाण यांच्या हस्ते या रक्तदान शिबिराचे उदघाटन केले गेले. याआधी आ. चव्हाण यांनी डॉ बाबासाहेब आंबेडकर यांच्या पुतळ्यास पुष्पहार अर्पण करून आदरांजली वाहिली व त्यानंतर शहर काँग्रेसच्या वतीने आयोजित केलेल्या रक्तदान शिबिराचे उदघाटन केले. या रक्तदान शिबिरास महाराष्ट्र प्रदेश युवक काँग्रेसचे उपाध्यक्ष शिवराज मोरे, सातारा जिल्हा काँग्रेसचे अध्यक्ष डॉ सुरेश जाधव, कराड शहर काँग्रेस अध्यक्ष तथा नगरसेवक राजेंद्र उर्फ आप्पा माने, नगरसेवक इंद्रजीत गुजर, सिद्धार्थ थोरवडे, फारूक पटवेकर, माजी नगरसेवक अशोकराव पाटील, प्रदीप जाधव, श्रीकांत मुळे, जावेद शेख, जितेंद्र ओसवाल, रमेश वायदंडे आदीसह काँग्रेसचे पदाधिकारी यावेळी उपस्थित होते.
यावेळी माजी मुख्यमंत्री आ.पृथ्वीराज चव्हाण म्हणाले कि, प्रचंड बुद्धिमत्ता, समाजासाठी असीम त्याग करणारे, हक्क मिळवून देणारे भारतरत्न डॉ. बाबासाहेब आंबेडकर यांची जयंती रक्तदान शिबीर घेऊन साजरी केली जात आहे. कोरोनाच्या प्रादुर्भावामुळे जरी त्यांची जयंती साधेपणाने साजरी करत असू तरी त्यांचे विचार सर्वदूर पोहचविण्याची गरज आहे. डॉ बाबासाहेब आंबेडकरांच्या जयंतीनिमित्त महाराष्ट्र प्रदेश काँग्रेस कमिटीच्या वतीने राज्यभर रक्तदान शिबीर आयोजित केले आहे हाच उपक्रम कराड शहर काँग्रेसच्या वतीने सुद्धा राबविला गेला आहे. अत्यंत स्तुत्य अश्या या उपक्रमामुळे कोरोना बाधितांना रक्ताची गरज पूर्ण होऊ शकेल. तसेच मी सर्वाना आवाहन करतो कि, कोरोनाशी मुकाबला करण्यासाठी सर्वानी प्रशासनाने घालून दिलेल्या निर्बंधाचे काटेकोरपणे पालन करावे व कोणत्याही अफवांवर विश्वास न ठेवता लसीकरणात भाग घ्यावा.

LEAVE A REPLY

Please enter your comment!
Please enter your name here

- Advertisment -

Most Popular

मराठा क्रांती मोर्चाचे समन्वयक दिलीप पाटील यांचे निधन

मराठा क्रांती मोर्चाचे समन्वयक दिलीप पाटील यांचे निधन कोल्हापूर/प्रतिनिधी : मराठा क्रांती मोर्चाचे समन्वयक आणि न्यायालयाचे याचिका कर्ते दिलीप पाटील यांचे काल शनिवारी कराड नजीक...

सततच्या पर्जन्यवृष्टीमुळे पंचगंगा नदीची पाणी पातळी ३६ फुटावर

सततच्या पर्जन्यवृष्टीमुळे पंचगंगा नदीची पाणी पातळी ३६ फुटावर कोल्हापूर/२० जुलै (वार्ता.) - कोल्हापूर जिल्ह्याच्या धरणक्षेत्रात सातत्याने होणार्‍या पावसाने कृष्णा, वारणा, पंचगंगा, दूधगंगा या नद्यांच्या पाणी...

घोडावत विद्यापीठतील फार्मसी विभागाच्या विद्यार्थ्यांची नामांकित कंपनीमध्ये निवड

घोडावत विद्यापीठतील फार्मसी विभागाच्या विद्यार्थ्यांची नामांकित कंपनीमध्ये निवड किमया शिंदे व अरिहंत परमाज यांना साडेपाच लाखाचे पॅकेज अतिग्रे/प्रतिनिधी :संजय घोडावत विद्यापीठाने शिक्षण क्ष्रेत्रात अल्पावधीतच आपले नाव...

संजय घोडावत इन्स्टिट्यूटमध्ये डॉ. सुहास देशमुख यांचे विद्यार्थ्यांसाठी मार्गदर्शन कार्यक्रमाचे आयोजन

संजय घोडावत इन्स्टिट्यूटमध्ये डॉ. सुहास देशमुख यांचे विद्यार्थ्यांसाठी मार्गदर्शन कार्यक्रमाचे आयोजन कोल्हापूर/प्रतिनिधी : जागतिक युवा कौशल्य दिनाच्या निमित्ताने विविध कार्यक्रमांतर्गत डॉ. सुहास देशमुख, संचालक, राष्ट्रीय...

Recent Comments