मलकापूर येथे भर दिवसा घर फोडले.आठ लाख पन्नास हजाराचा मुद्देमाल लंपास
कोल्हापूर/प्रतिनिधी : मलकापूर ता . शाहूवाडी येथील पंकज मोहन प्रभावळे यांच्या बंद घराचे कुलूप फोडून भर दिवसा सुमारे आठ लाख पन्नास हजार रुपयांची धाडसी चोरी केल्याची घटना घडली आहे . या घटनेची नोंद शाहुवाडी पोलीस ठाण्यात झाली आहे .
शाहूवाडी पोलिसातून मिळालेल्या अधिक माहिती अशी की पंकज मोहन प्रभावळे वय 33 यांचे मलकापूर येथील साखरे गल्लीत घर आहे . शुक्रवार दि . 23 रोजी दुपारी तीन ते चार च्या दरम्यान घराला कुलूप असल्याचे पाहून अज्ञात चोरट्याने कुलूप चावीने उघडून घरातील सोन्याचे दागिने व रोख रक्कम चोरी केले आहे . त्यामध्ये एक लाख वीस हजार रुपये किमतीचा १५ ग्रॅम चा सोन्याचा नेकलेस . एक लाख वीस हजार रुपये किमतीचे १५ ग्रॅमचे सोन्याचे गंठण . एक लाख साठ हजार रुपये किमतीचा २० ग्रॅम चा सोन्याचा लक्ष्मी हार व चार लाख पन्नास हजार रुपये रोख रक्कम. असे एकूण सुमारे आठ लाख पन्नास हजार रुपये घेऊन चोरटा पसार झाला आहे. या घटनेची नोंद शाहूवाडी पोलीस ठाण्यात झाली असून अधिक तपास पोलीस निरीक्षक विजय घेरडे यांच्या मार्गदर्शनाखाली शाहुवाडी पोलीस करीत आहेत.
