Friday, July 19, 2024
Home ताज्या कोल्हापूर महानगरपालिकेचे १०८५ कोटींचे आपले बजेट सादर

कोल्हापूर महानगरपालिकेचे १०८५ कोटींचे आपले बजेट सादर

कोल्हापूर महानगरपालिकेचे १०८५ कोटींचे आपले बजेट सादर

कोल्हापूर/प्रतिनिधी : कोल्हापूर महानगरपालिकेचे सन २०२०-२०२१ चे सुधारित व २०२१-२०२२ चे नवीन अर्थसंकल्पीय अंदाज महाराष्ट्र महानगरपालिका अधिनियम १९४९ मधील तरतुदीनुसार आज पत्रकार परिषदेत सादर करण्यात आले. आपले बजेट २०२१-२०२२ या संकल्पनेवर आधारित हे अंदाजपत्रक आहे हे आपले बजेट तयार करताना शहरातील नागरिकांकडून थेट अपेक्षा सूचना जाहीर प्रसिद्धीकरण करून मागविण्यात आल्या आहेत. तसेच शहरातील विविध सामाजिक संघटना व्यक्ती व्यापारी संघटना यांच्याशी थेट चर्चा करण्यात आली आहे. विविध पक्षांचे व प्रसारमाध्यमांचे प्रतिनिधी यांनी ही आपल्या नागरिकांच्या अपेक्षा व्यक्त केल्या आहेत या सर्वांचा विचार या बजेटमध्ये करण्यात आल्याचे आयुक्त डॉ.कादंबरी बलकवडे यांनी पत्रकार परिषदेत सांगितले. महसुली भांडवली व विशेष प्रकल्प वित्त आयोग मिळून एकूण रुपये १०८५ कोटी ४८ लाख रुपये इतके जमेचे अर्थसंकल्पीय अंदाजपत्रक सादर करण्यात आले आहे. कोल्हापूर महानगरपालिकेचे सन २०२१-२०२२ चे अर्थसंकल्पीय अंदाजपत्रकात अव्वल शिल्लकेसह महसुली व भांडवली अपेक्षित जमा रक्कम रुपये ६२३ कोटी ४८ लाख रुपये असून ६२१ कोटी ९६ लाख अपेक्षित आहे. तसेच विशेष प्रकल्पांतर्गत सुरु असलेल्या कामांची जमाखर्चाचे स्वतंत्र अंदाजपत्र सादर करण्यात आले असून त्यामध्ये जमा रुपये ३९६ कोटी ४९ लाख अपेक्षित असून खर्च रुपये ३९० कोटी ४७ लाख इतके अपेक्षित आहे महिला व बालकांना निधी व केंद्रीय वित्त आयोगाचे एकत्रित स्वतंत्र पत्रक अंदाजपत्रकामध्ये दर्शविण्यात आली आहे. वित्त आयोगअंतर्गत एकूण जमा रुपये ६५ कोटी ५१ लाख अपेक्षित असून खर्च रुपये ६४ कोटी १७ लाख अपेक्षित आहे.
अंदाजपत्रकामधील ठळक बाबींमध्ये महिलांसाठी स्वतंत्र स्वच्छतागृहे,हेरिटेज वास्तू संवर्धन/ हेरिटेज वॉक, पर्यटन स्थळे, सेंटर पब्लिक अनाउन्सिंग सिस्टीम, उद्यानांचा विकास, सेन्सरी गार्डन,हरीत पटे/वने विकसित करणे, सफाई मित्र सुरक्षा चॅलेंज, आयटी पार्क विकसित करणे,लिकेज डिटेक्शन प्रोग्रॅम,कोटीतीर्थ तलाव पुनरुज्जीविकरण, अग्निशमन यंत्रणा मनपा हॉस्पिटल, प्रशासकीय इमारती,ट्रॅफिक सिग्नल, सिंक्रोनायझेशन ट्रॅफिक मॅनेजमेंट/पट्टे मारणे, क्रीडा विषयक बाबींसाठी उत्तेजन व क्रीडा स्पर्धा,ई-गव्हर्नस, डिजिटायझेशन, मनपा मोबाईल ॲप, ऑनलाइन पेमेंटस, सोशल मीडिया पेजीस, झोपडपट्टी येथे फिरते दवाखाने सुविधा देणे, आरोग्य सुविधा श्रेणी वाढ, सावित्रीबाई फुले व पंचगंगा हॉस्पिटल सुधारणा,फेरीवाला झोन सुविधा, रस्ते, फुटपाथ,मॅनहोल,ग्रेड सेप्रेशन सुविधा, घनकचरा व्यवस्थापन प्रकल्प, पंचगंगा नदी प्रदूषण रोखणे, केंद्र शासन अनुदान प्रकल्प अंमलबजावणीमध्ये महालक्ष्मी मंदिर परिसर विकास प्रकल्प सध्या सुरू असलेल्या पायाभूत प्रकल्प पूर्तता मध्ये काळम्मावाडी थेट पाईपलाईन अमृत अभियानांतर्गत मलनिस्सारण योजना, पाणीपुरवठा वितरण योजना, राज्य अनुदाना मधून प्रस्तावित प्रकल्पांमध्ये सेफ सिटी प्रकल्प टप्पा २ केशवराव नाट्यगृह परिसर विकास टप्पा २ महानगरपालिकेच्या प्रस्तावित अंदाजपत्रकामध्ये मार्गदर्शक सूचनांनुसार निववळ महसुली उत्पन्नाच्या ५ टक्के निधी महिला व बालकल्याण कार्यक्रमासाठी अपंग कल्याण कार्यक्रम ५ टक्के व मागास निधी ५ टक्के आरक्षित करण्यात आला आहे. अत्यावश्यक व बंधनकारक खर्चाच्या सर्व तरतुदी अंदाजपत्रकामध्ये करण्यात आल्या आहेत. तसेच वित्त आयोग यामधील निधी शासनाचे विनियोग विषयक निर्णयानुसार खर्च प्रस्तावित आहेत. पाणी दरवाढ बाबत विचारले असता महापालिकेला उत्पन्न मिळणे अपेक्षित आहे त्यासाठी आम्ही गरीब जनतेला जादा आकारणी करणार नाही जे कोणी २० हजार लिटरपेक्षा जास्त पाणी वापरतील त्यांनाच आम्ही ज्यादा आकारणी करणार असल्याचे आयुक्त डॉ कादंबरी बलकवडे यांनी सांगितले.यावेळी महापालिकेच्या सर्व विभागाचे अधिकारी पत्रकार परिषदेला उपस्थित होते.

LEAVE A REPLY

Please enter your comment!
Please enter your name here

- Advertisment -

Most Popular

घोडावत विद्यापीठतील फार्मसी विभागाच्या विद्यार्थ्यांची नामांकित कंपनीमध्ये निवड

घोडावत विद्यापीठतील फार्मसी विभागाच्या विद्यार्थ्यांची नामांकित कंपनीमध्ये निवड किमया शिंदे व अरिहंत परमाज यांना साडेपाच लाखाचे पॅकेज अतिग्रे/प्रतिनिधी :संजय घोडावत विद्यापीठाने शिक्षण क्ष्रेत्रात अल्पावधीतच आपले नाव...

संजय घोडावत इन्स्टिट्यूटमध्ये डॉ. सुहास देशमुख यांचे विद्यार्थ्यांसाठी मार्गदर्शन कार्यक्रमाचे आयोजन

संजय घोडावत इन्स्टिट्यूटमध्ये डॉ. सुहास देशमुख यांचे विद्यार्थ्यांसाठी मार्गदर्शन कार्यक्रमाचे आयोजन कोल्हापूर/प्रतिनिधी : जागतिक युवा कौशल्य दिनाच्या निमित्ताने विविध कार्यक्रमांतर्गत डॉ. सुहास देशमुख, संचालक, राष्ट्रीय...

हेल्थ इन्श्युरन्स संकल्पनांचे स्पष्टीकरण

हेल्थ इन्श्युरन्स संकल्पनांचे स्पष्टीकरण श्री. भास्कर नेरुरकर हेड - हेल्थ ॲडमिनिस्ट्रेशन टीम, बजाज आलियान्झ जनरल इन्श्युरन्स. तांत्रिक डोमेन आणि कायदेशीर करार असल्यामुळे बहुतांश इन्श्युरन्स संकल्पना या...

केंद्रीय गृहमंत्री अमित शहा सीपीआर भूमिपूजन व जिल्हा बँक नूतन इमारतीच्या उद्घाटनासाठी कोल्हापुरात येणार

केंद्रीय गृहमंत्री अमित शहा सीपीआर भूमिपूजन व जिल्हा बँक नूतन इमारतीच्या उद्घाटनासाठी कोल्हापुरात येणार जुलै अखेरीस किंवा ऑगस्ट पहिल्या आठवड्यात होणार कार्यक्रम,दहा हजार वृक्ष लावण्याची...

Recent Comments