माजी केंद्रीय गृहमंत्री सुशिलकुमार शिंदे यांच्या हस्ते शुक्रवारी डॉ . वि.ह. वझे मार्गाचे नामकरण श्रीमंत छत्रपती शाहू महाराज , पालकमंत्री सतेज पाटील यांच्यासह मान्यवरांची उपस्थिती
कोल्हापूर/प्रतिनिधी : कोल्हापूर महानगरपालिकेने मानपत्र देऊन सन्मानित केलेले सुप्रसिद्ध शल्यविशारद धन्वंतरी डॉ . वि.ह. वझे यांचे नाव हेडपोस्ट ऑफिस बावडा ते पितळी गणपती मंदिर ताराबाई पार्क या रस्त्यास देण्याचा ठराव महानगरपालिकेने केला आहे . शुक्रवारी दि.१८ डिसेंबर रोजी माजी केंद्रीय गृहमंत्री सुशिलकुमार शिंदे यांच्या हस्ते आणि श्रीमंत छत्रपती शाहू महाराज यांच्या अध्यक्षतेखाली हा सोहळा सायंकाळी साडेचार वाजता पितळी गणपती चौकात संपन्न होणा आहे . पालकमंत्री सतेज पाटील यांच्यासह महापौर सौ . निलोफर आजरेकर , आयुक्त डॉ . कादंबरी बलकवडे , आ . चंद्रकांत जाधव , आ . ऋतुराज पाटील यांचीही यावेळी प्रमुख उपस्थिती असणार आहे .
यावेळी चेंबर ऑफ कॉमर्सचे माजी अध्यक्ष आनंद माने , शिवसेना जिल्हाध्यक्ष संजय पवार , महानगरपालिका गटनेता शारंगधर देशमुख , अतिरिक्त आयुक्त नितीन देसाई . शहर अभियंता नेत्रदिप सरनोबत आदी मान्यवरही या सोहळ्यास उपस्थित राहणार आहेत . तरी या सोहळ्यास स्वनी उपस्थित रहावे असे आवाहन संयोजक माजी उपमहापौर अर्जुन माने आणि डॉ . गिरीष वझे यांनी संयोजकांच्यावतीने केले आहे .
