चौथ्या मजल्यावरुन गणपतीची मुर्ती खाली आणताना लिफ्टची वायर तुटल्याने एक जण ठार तर एक जखमी
कोल्हापूर/प्रतिनिधी : कोल्हापूर-संत गोरा कुंभार वसाहत येथे लिफ्टची वायर तुटल्याने लिफ्ट मधून पडून भगवान नामदेव कांबळे (वय ४८ रा.विक्रमनगर ,मुळ गाव पासार्डे ता.करवीर )हे गणपतीची मुर्ती चौथ्या मजल्यावरुन खाली आणताना लिफ्टची वायर तुटल्याने लिफ्ट मधून खाली पडले असता त्यांना बेशुध्दावस्थेत सीपीआर रुग्णालयात दाखल करण्यात आले. यावेळी उपचारापूर्वीच मयत झाल्याचे डॉक्टरांनी सांगितले.तर एक जण गंभीर जखमी असल्याने त्याला खाजगी रुग्णालयात दाखल करण्यात आले. या घटनेची नोंद सीपीआर पोलिस चौकित झाली आहे.
याबाबत अधिक माहिती अशी की,मयत भगवान कांबळे हा संत गोरा कुंभार येथे गेल्या दोन महिन्यापासून बाजीराव कुंभार यांच्या कडे हाता खाली काम करीत होता.आज सकाळी अकराच्या सुमारास चौथ्या मजल्यावरून गणपतीची मुर्ती खाली आणताना तो आणि गुहागर येथील कामास असलेला असे दोघे जण लिफ्ट मधून खाली येत असताना लिफ्टची वायर तुटल्याने ही दुर्घटना घडली.नातेवाईकांनी भगवान बेशुद्धावस्थेत सीपीआर रुग्णालयात दाखल करण्यात आले असता त्याचे उपचारापूर्वीच मयत झाल्याचे डॉक्टरांनी सांगितले .भगवान पडेल ते काम करीत होता.तो विवाहित असून दोन मुले आहेत.एक मुलगी दहावीत शिकत असून मुलगा पहिलीत शिकत आहे.त्याला तीन भाऊ आणि एक बहिण आहे.त्यांना भजनाचा छंद होता ते स्वामी समर्थ भजनी मंडळात होते.त्याच्या अशा निधनाने परिसरात हळहळ व्यक्त होत आहे.सीपीआर परिसरात नातेवाईकांनी गर्दी केली होती.
