मनपा शिक्षक पतसंस्थेचे कार्य कौतुकास्पद-सौ सुमन मंडलिक
कोल्हापूर/प्रतिनिधी : कोल्हापूर महानगरपालिका प्राथमिक शिक्षक सहकारी पतसंस्था महानगरपालिका कोल्हापूर मार्फत सर्व शिक्षक सेवक सभासदांना दीपावली कुपन व कायम ठेवीवरील व्याज वाटपाचा कार्यक्रम संपन्न झाला सदरच्या कार्यक्रमास शिक्षक समितीच्या महिला नेत्या माननीय सौ सुमन मंडलिक या प्रमुख पाहुण्या म्हणून उपस्थित होत्या त्यांच्या हस्ते धनादेश वितरण करण्यात आले.आर्थिक वर्ष २०१९ -२० या साली विक्रमी नफा झाल्याने संस्थेने सर्व सभासदांना भरघोस असे साडेपाच हजार रुपये दिवाळी भेट व कायम ठेवीवरील व्याज ५७ लाख रुपयाचे वाटप केले. त्याचप्रमाणे सभासदांच्या मुलांच्या विवाह प्रित्यर्थ ५००१ रुपये आहेर मंजूर केले दीपावली फेस्टिवल कर्ज योजना १ लाख रुपये ९:५० % नी सुरु केली.
या कार्यक्रमास उपसभापती मनोहर शिंदे,संचालक संजय कडगावे,सुभाष धादवड,वसंत आडके,राजेंद्र गेंजगे,शकील भेंडवडे,आशालता कांजर,सरिता सुतार ,विजय माळी,विजय जाधव,मनोज सोरप,शिवराज नलवडे ज्येष्ठ सदस्य फारुक डबीर,सुनील पाटील,उत्तम कुंभार,नयना बडकस,शिवाजी पाटील,संतोष कदम,योगेश व्हटकर,मंगेश चव्हाण बळवंत कांबळे, राजाराम शिंदे आदि उपस्थित होते.
या कार्यक्रमाचे स्वागत प्रास्ताविक समितीचे राज्यप्रमुख व संस्थेचे सेक्रेटरी श्री सुधाकर सावंत यांनी केले.मनोगत शिक्षक समितीचे राज्य उपाध्यक्ष व संस्थेचे खजानीस श्री उमेश देसाई यांनी व्यक्त केले.कार्यक्रमाचे आभार सभापती संजय पाटील यांनी मानले.
