आजाराला कंटाळून विहिरीत उडी मारून वृध्दांची आत्महत्या
कोल्हापूर/प्रतिनिधी : करवीर तालुक्यातील वडणगे येथील खंडेराव हिंदुराव पाटील (वय 81) यांनी वडणगे येथील बाबासाहेब पाटील यांच्या शेतातील विहिरीत उडी मारून आत्महत्या केल्याची घटना घडली आहे.हा प्रकार शनिवार दि.२१ जून रोजी उघडकीस आला.या घटनेची नोंद सीपीआर पोलिस चौकीत झाली आहे.
खंडेराव पाटील हे शेतकरी असून ते वयोवृध्द असल्याने त्यांना औषध चालू होती.शुक्रवार दि.२० जून रोजी रहात्या घरातून कोणासही न सांगता निघून गेले होते.ते घरी परत न आल्याने नातेवाईकांनी शोध घेण्याचा प्रयत्न केला असता ते मिळून आले नाहीत.आज परत त्यांचा बाबासाहेब पाटील यांच्या शेतातील विहिरीत शोध घेत असताना ते विहिरीत मयत अवस्थेत मिळाल्याने विहिरी बाहेर काढून सीपीआर रुग्णालयात दाखल करण्यात आले असता उपचारापूर्वी मृत्यु झाला.त्यांच्या पश्च्यात पत्नी ,मुले ,मुली, सूना आणि नातंवडे असा परिवार आहे.
