कुंरुदवाड येथील ” उदय भाऊ ” टोळीवर हद्दपारीची कारवाई दोघां सख्या भावांचा समावेश
कोल्हापूर/प्रतिनिधी : शिरोळ तालुक्यातील कुंरुदवाड येथील “उदय भाऊ” टोळीच्या उदय काकासो पाटील ,रविंद्र काकासो पाटील या दोघां सख्या भावासह विशाल रामचंद्र कांबळे ,सुनिल कुमार मगदूम आणि प्रशांत आण्णासो पाटील (सर्व रा.पाटील गल्ली ,दत्तवाड.ता.शिरोळ) यांच्यावर कोल्हापूर जिल्ह्यातून हद्दपारीची कारवाई करण्यात आली.
वरिष्ठ पोलिस अधिकारी यांनी कोल्हापूर जिल्ह्यातील सर्व पोलिस ठाण्याच्या प्रभारींना गुन्हेगारांची माहिती घेऊन त्यांचा प्रस्ताव तयार करून पाठविण्याच्या सूचना दिल्या होत्या.वरिष्ठांच्या सुचने प्रमाणे कुंरुदवाड पोलिसांनी” उदय भाऊ”टोळीचा प्रस्ताव तयार करून पोलिस अधीक्षक कार्यालयाकडे पाठविण्यात आला होता.या प्रस्तावाची चौकशी करण्यासाठी चौकशी अधिकारी म्हणुन शाहुवाडीचे उपविभागीय पोलिस अधिकारी यांची नेमणूक केली होती.त्यांनी या प्रस्तावाची चौकशी करून त्याचा अहवाल पोलिस अधीक्षक कार्यालयाकडे सादर केला.या टोळीच्या माध्यमातून टोळीच्या अवैद्य गुन्हेगारी कृत्यामुळे सर्वसामान्य नागरिकांना आणि समाजात दहशत माजवून सामाजिक स्वास्थ बाधा निर्माण केल्याचे निष्पन्न झाले.सदर टोळीच्या वाढ़त्या गुन्हेगारीस आळा बसावा ,सार्वजनिक शांतता,सुव्यवस्था राखण्यासाठी पोलिस अधीक्षक योगेशकुमार गुप्ता यांनी दि.२० जून रोजी “उदय टोळी ” च्या दोघां सख्या भावासह पाच जणांवर कोल्हापूर जिल्ह्यातून एक वर्षासाठी हद्दपारीचा आदेश दिल्याने सहा.पोलिस निरिक्षक यांनी अंमलबजावणी केली.या हद्दपार केलेल्या टोळीवर जुगाराचे १४ आणि मारामारीचा एक गुन्हा पोलिस ठाण्यात दाखल आहे.सदरचे हद्दपार झालेले इसम कोल्हापूर जिल्ह्यात आढ़ळल्यास त्याची माहिती जवळच्या पोलिस ठाण्यात देण्याचे आवाहन पोलिस अधीक्षक यांनी केले आहे.
