केआयटीतील मयुरा एआयसीटीई आयडिया लॅबचे ३ एप्रिल रोजी उद्घाटन व आतंरराष्ट्रीय परिषद
३,४,५ एप्रिल रोजी गिस्फी सभा व आतंरराष्ट्रीय परिषद
कोल्हापूर/प्रतिनिधी : कोल्हापूर इन्स्टिट्यूट ऑफ टेक्नॉलॉजीचे स्वायत्त अभियांत्रिकी महाविद्यालय कोल्हापूर येथे अखिल भारतीय तंत्र शिक्षण परिषद (एआयसीटीई) ने मंजूर केलेल्या मयुरा एआयसीटीई आयडिया लॅबचे प्रोफेसर अनिल सहस्त्रबुध्दे, चेअरमन, नॅशनल एज्युकेशनल टेक्नॉलॉजी फोरम, चेअरमन एनबीए यांच्या हस्ते व प्रोफेसर रामजीप्रसाद, प्रोफेसर एमिरिटस्, अरॉस विद्यापीठ डेन्मार्क व श्री. चंद्रशेखर डोली, चेअरमन मयुरा स्टील्स प्रा. लि यांच्या प्रमुख उपस्थितीत सोमवार ३ एप्रिल २०२३ रोजी दिमाखदार उद्घाटन होणार आहे. तसेच ३,४ व ५ एप्रिल रोजी ४० व्या ग्लोबल आयसीटी स्टॅण्डर्डायझेशन फोरम फॉर इंडिया ची सभा होणार असून त्यासोबतच ‘६जी व वायरलेस नेटवर्क टेक्नॉलॉजीस’ या विषयावरील आतंरराष्ट्रीय परिषद होणार असून त्यासाठी जगभरातील संशोधक यामध्ये भाग घेणार आहेत अशी माहिती केआययटीचे कार्यकारी संचालक डाॅ.व्ही.व्ही.कार्जिन्नी, संचालक डाॅ.मोहन वनरोट्टी व अधिष्ठाता, संशोधन व विकास डाॅ.शिवलिंग पिसे, डॉ. महेश चव्हाण, डॉ. नितीन सांबरे, प्रा. प्रमोद पाटील यांनी पत्रकार परिषदेत दिली.
या केआयटी येथील लॅब मध्ये साधारणता एक कोटी पंच्याहत्तर लाख रुपयांची मशिनरी व उपकरणे विद्यार्थी तसेच परिसरातील उद्योगक्षेत्रासाठी उपलब्ध केली आहेत.मयुरा एआयसीटीई आयडिया लॅब ही सर्वांसाठी आठवडयाचे सातही दिवस उपलब्ध असणार आहे. या लॅबमध्ये ३ डी प्रीटींग, ३ डी स्कॅनिंग, लेजर कटींग, सीएन्सी राउटर, पीसीबी मिलींग मशिन व लागणारे पूरक उपकरणे उपलब्ध आहेत. या लॅबच्या उभारणी करीता परिसरातील उद्योगजगताचे मोलाचे सहकार्य लाभले आहे. मयुरा एआयसीटीई आयडिया लॅबच्या उभारणी करीता एकुण ३१ उद्योगांचे योगदान लाभले आहे. मयुरा एआयसीटीई आयडिया लॅब ही निधीसंकलन व उद्योगक्षेत्राशी समन्वय असणारी भारतातील अव्वलस्थानी आहे अशी माहिती कार्यकारी संचालक डाॅ. व्ही. व्ही. कार्जिन्नी, संचालक डाॅ.मोहन वनरोट्टी व अधिष्ठाता, संशोधन व विकास डाॅ.शिवलिंग पिसे यांनी दिली. तीन दिवस चालणाऱ्या आंतरराष्ट्रीय परिषदेमध्ये उदघाटन, बीजभाषण, संशोधन पेपर वाचन, व कार्यशाळा अशी रूपरेषा असणार असून जगभरातील संशोधक सहभागी व मार्गदर्शन करण्यासाठी तज्ज्ञ उपस्थित राहणार आहेत. या लॅबच्या उभारणी करीता संस्थेचे अध्यक्ष श्री. सुनिल कुलकर्णी, उपाध्यक्ष श्री.साजिद हुदली व सचिव श्री.दिपक चौगुले यांनी मोलाचे मार्गदर्शन व प्रोत्साहन दिले.
