जेष्ट पत्रकार काका कुर्लेकर यांचा मुलगा आशिष महेश कुर्लेकर याचा दुचाकी अपघातात मृत्यू
कोल्हापूर/प्रतिनिधी : रत्नागिरी-कोल्हापूर महामार्गावर झालेल्या दुचाकी अपघातात तरुणाचा मृत्यू झाला. आज सायंकाळी आठ वाजण्याच्या सुमारास शाहूवाडी तालुक्यातील केरली गावानजीक ही घटना घडली. आशिष महेश कुर्लेकर (वय ३८, रा. केवीज पार्क, नागाळा पार्क) असे या तरुणाचे नाव आहे.कोल्हापूरमधील ज्येष्ठ पत्रकार महेश उर्फ काका कुर्लेकर यांचे ते पुत्र होते.
आशिष त्यांच्या व्यावसायिक कामानिमित्त मित्र मिलिंद भोसले यांच्यासोबत दुचाकीवरून रत्नागिरीला गेले होते. सायंकाळी कोल्हापूरला परतत असताना दुचाकी खड्ड्यांमध्ये गेल्याने त्यांचा अपघात झाला. पाठीमागे बसलेल्या आशिष यांना हादरा बसला व ते खाली पडले. त्यांच्या डोक्याला गंभीर दुखापत झाली. बेशुद्धावस्थेत त्यांना सीपीआरमध्ये दाखल करण्यात आले. मात्र उपचार सुरू असताना त्यांचा मृत्यू झाला. त्यांच्या पश्चात आई, वडील, भाऊ, पत्नी व एक मुलगा आहे.
