श्री अंबाबाई तीर्थक्षेत्र विकास आराखड्यातील पहिल्या टप्प्यातील प्रशासकीय मान्यतेबद्दल शिवसेनेच्यावतीने साखर पेढे वाटून आनंदोत्सव
कोल्हापूर/प्रतिनिधी : कोल्हापुरातील श्री अंबाबाई तीर्थक्षेत्र विकास आराखड्यातील पहिल्या टप्यातील रु.१४३.९० कोटींच्या विकास कामांच्या आराखड्यास शासनाने आज प्रशासकीय मान्यता दिली याबद्दल शिवसेनेच्यावतीने श्री अंबाबाई मंदिर घाटी दरवाजा परिसरात भाविकांना वाद्याच्या गजरात साखरे पेढे वाटून आनंदोत्सव साजरा केला. याबाबत तमाम कोल्हापूर वासीय आणि आई अंबाबाई भक्तांच्या वतीने मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजितदादा पवार आणि महायुती सरकारचे आभार शिवसेना जिल्हाप्रमुख सुजित चव्हाण यांनी मांडले.
यावेळी शहरप्रमुख रणजीत जाधव, महानगरसमन्वयक कमलाकर जगदाळे, शहर समन्वयक सुनील जाधव, उपजिल्हाप्रमुख तुकाराम साळोखे, किशोर घाटगे, रणजीत मंडलिक, महिला आघाडी शहरप्रमुख पवित्रा रांगणेकर, अनुसूचित जाती जमाती सेल जिल्हाप्रमुख निलेश हंकारे, शहरप्रमुख प्रभू गायकवाड, माजी जिल्हा नियोजन समिती सदस्य अंकुश निपाणीकर, हर्षल सुर्वे, सचिन पाटील, अमित चव्हाण, टिंकू देशपांडे, क्षितीज जाधव, क्रांतीकुमार पाटील, सौरभ कुलकर्णी आदी पदाधिकारी व शिवसैनिक मोठ्या संख्येने उपस्थित होते.
