मंगळवारी कोविड पोर्टलवर ऑनलाईन पध्दतीने पहिल्या व दुस-या डोससाठी अपॉईंटमेंट घेतलेल्या लाभार्थ्यांचेच लसीकरण
कोल्हापूर/प्रतिनिधी : मंगळवार दि.२७ एप्रिल २०२१ रोजी महापालिकेच्या प्राथमिक नागरी आरोग्य केंद्रावर कोविड पोर्टलवर ऑनलाईन पध्दतीने पहिल्या व दुस-या डोससाठी अपॉईंटमेंट घेतलेल्या लाभार्थ्यांचेच लसीकरण करण्यात येणार आहे. उपलब्ध साठा पाहता ऑनलाइन अपॉइंटमेंट घेतलेले नागरिक यांचेच लसीकरण करणेत येणार आहे. या व्यतिरिक्त इतर कोणत्याही व्यक्तिंनी लसीकरण केंद्रावर गर्दी करु नये असे आवाहन प्रशासक डॉ.कादंबरी बलकवडे यांनी केले आहे.
शहरामध्ये आज झालेल्या ११ नागरी प्राथमिक आरोग्य केंद्रावर व खाजगी हॉस्पिटलमध्ये मिळून एकूण ६,३६८ इतक्या नागरिकांचे लसीकरण करण्यात आले आहे. शहरामध्ये आज अखेर १,०५,४०५, इतक्या पात्र लाभार्थ्याना पहिल्या डोसचे तर २२,६४८ इतक्या पात्र लाभार्थ्यांना दुस-या डोसचे लसीकरण करण्यात आले आहे. आजअखेर ४५ वर्षावरील ४७ टक्के नागरीकांचे लसीकरण पूर्ण करण्यात आले आहे.
शहरामध्ये आज ११ प्राथमिक नागरी आरोग्य केंद्रावर व खाजगी हॉस्पीटलमध्ये मिळूण एकूण ६३६८ नागरीकांना लसीकरण करण्यात आले. यामध्ये प्राथमिक नागरी आरोग्य केंद्र सावित्रीबाई फुले येथे ४२५, प्राथमिक नागरी आरोग्य केंद्र फिरंगाई येथे ५९२, प्राथमिक नागरी आरोग्य केंद्र राजारामपुरी येथे ३९०, प्राथमिक नागरी आरोग्य केंद्र पंचगंगा येथे ४६८, प्राथमिक नागरी आरोग्य केंद्र कसबा बावडा येथे ६००, प्राथमिक नागरी आरोग्य केंद्र महाडिक माळ ४७०, प्राथमिक नागरी आरोग्य केंद्र आयसोलेशन येथे ५६२, प्राथमिक नागरी आरोग्य केंद्र फुलेवाडी येथे ३७१, प्राथमिक नागरी आरोग्य केंद्र सदरबाजार येथे ७०५, प्राथमिक नागरी आरोग्य केंद्र सिद्धार्थनगर येथे ३७१, प्राथमिक नागरी आरोग्य केंद्र मोरेमाने नगर येथे ५००, सीपीआर येथे ३७५ व उर्वरीत खाजगी हॉस्पीटलमध्ये ५३९ इतक्या नागरीकांचे लसीकरण करण्यात आले.
मंगळवारी कोविड पोर्टलवर ऑनलाईन पध्दतीने पहिल्या व दुस-या डोससाठी अपॉईंटमेंट घेतलेल्या लाभार्थ्यांचेच लसीकरण
