अनेक कर्तबगार महिलानी
आपल्या कार्याचा ठसा निर्माण करून स्त्री शक्तीचा परिचय करुन दिला – प्रा. राजश्री पोवार
कोल्हापूर/प्रतिनिधी : क्लारा झेटकीन, सावित्रीबाई फुले इंदिरा गांधी,प्रतिभाताई पाटील कमला हॅरीस, आनंदीबाई जोशी, प्रिय सिंघन, कल्पना चावला, फातिमा बेदी यासारख्या कर्तुत्ववान कर्तबगार महिलानी वेगवेगळ्या क्षेत्रात आपल्या कार्याचा ठसा निर्माण करून स्त्री शक्तीचा परिचय करुन दिला असून त्यांचे कार्य कौतुकास्पद असून भावी पिढीसाठी प्रेरणादायी ठरेल असे मत प्रा. राजश्री पोवार (बिसुरे) यांनी व्यक्त केले.त्या गोपाळ कृष्ण गोखले महाविद्यालयात श्रीमती सुशीलादेवी मल्हाराव देसाई युवती सुचेतना फाउंडेशन आयोजित जागतिक महिला दिन कार्यक्रमात बोलत होत्या. कार्यक्रमाच्या अध्यक्षस्थानी शिक्षण प्रसारक मंडळाच्या प्रशासन अधिकारी व फाउंडेशनच्या अध्यक्षा प्रा. डॉ. मंजिरी मोरे होत्या.स्वागत व प्रास्ताविक प्रा. पद्मश्री आवटे यांनी केले. कार्यक्रमाचे उद्घाटन प्रा.राजश्री पोवार व उपस्थित मान्यवरांच्या हस्ते करण्यात आले. यावेळी श्रीमती सुशीलादेवी मल्हारराव देसाई युवती सुचेतना फौंडेशन अध्यक्षा प्रा. डॉ. मंजिरी मोरे यांच्या संकल्पनेतून निर्माण झालेली आणि प्रा प्रमोद तावडे यांनी सादर केलेली भारतीय कर्तृत्ववान महिलांच्या रुपेरी पडद्यावरील चित्रफीत फिरूनी नवी जन्मेन मी, मदर इंडिया ते मर्दानी चित्रफीत सादर करण्यात आली. यावेळी प्राचार्य डॉ.पी.के. पाटील यांनी क्रांतीज्योती सावित्रीबाई फुले, छत्रपती ताराराणी यांचे विचार भावी पिढीसाठी आदर्शवत ठरतील असे मत व्यक्त केले. या कार्यक्रमास शिक्षण प्रसारक मंडळाचे सेक्रेटरी प्राध्यापक जयकुमार देसाई, पेट्रन कौंसिल मेंबर दौलत देसाई, प्रशासन अधिकारी प्राध्यापक डॉक्टर मंजिरी मोरे यांचे मार्गदर्शन व प्रोत्साहन लाभले. याप्रसंगी प्राचार्य डॉक्टर पी.के पाटील, उपप्राचार्य प्रा. एच. एस. पिसाळ, पर्यवेक्षक प्रा.एस. एन. मोरे, प्रा.संध्या नागन्नावर तसेच सर्व महिला प्राध्यापक,प्राध्यापिका, प्रशासकीय कर्मचारी विद्यार्थीनी मोठ्या संख्येने उपस्थित होत्या. सूत्रसंचालन प्रा. पद्मश्री आवटे यांनी केले. तर आभार प्रा. संध्या नागन्नावर यांनी मानले.
