विकासकामे गुणवत्तापूर्ण व दर्जेदार व्हावीत – आमदार जयश्री जाधव , वांगी बोळ येथील रस्ते डांबरीकरण कामाचा शुभारंभप्रसंगी जाधव यांचे उदगार
कोल्हापूर/प्रतिनिधी : कोल्हापूर शहराच्या विकासकामाला गती मिळावी यासाठी प्रामाणिकपणे प्रयत्नत सुरू आहेत. यासाठी अधिकारी कर्मचाऱ्यांच्या बैठका घेवून कामाचे नियोजन केले जात आहे. विकासकामे दर्जेदार व्हावी याकडे विशेष लक्ष केंद्रीत केले आहे. तसेच सुरू असलेली विकासकामे गुणवत्तापूर्ण व दर्जेदार व्हावीत, याकडे भागातील नागरिकांनीही लक्ष द्यावे असे आवाहन आमदार जयश्री चंद्रकांत जाधव यांनी केले.
वांगी बोळ येथील रस्ते डांबरीकरण कामाचा शुभारंभ आज आमदार जयश्री जाधव यांच्या हस्ते करण्यात आला. याप्रसंगी त्या बोलत होत्या.
आमदार जाधव म्हणाल्या, या कामाचे उद्घाटन करताना मला मनापासून आनंद झाला. कारण विधानसभेच्या पोटनिवडणुकी वेळी या भागातील नागरिकांच्या समस्या जाणून घेतल्या होत्या. त्यावेळी येथील पाण्याची आणि रस्त्याची समस्या नागरिकांनी व्यक्त केली होती. या समस्या दूर करण्याच्या आश्वासन आमचे नेते माजी पालकमंत्री, आमदार सतेज पाटील साहेब यांनी दिले होते. आमदार झाल्यानंतर या कामाच्या मंजुरीसाठी प्रशासकीय पातळीवर पाठपुरावा सुरू केला. या कामाला मंजूरी मिळाली आणि आज या कामाचा शुभारंभ सर्वांचा साक्षीने होत आहे.
शहरातील सर्वच कामे गुणवत्तापूर्ण व उच्च दर्जाची झाली पाहिजेत यासाठी मी आग्रही आहे. अशा सूचना रस्त्याचे कामे करणाऱ्या ठेकेदार व अधिकारी यांना दिलेत. तसेच हे काम गुणवत्ता पूर्ण होत व्हावे याकडे या भागातील नागरिकांनी लक्ष द्यावे, असे आवाहन आमदार जाधव यांनी यावेळी केले.
यावेळी काँग्रेसचे शहराध्यक्ष सचिन चव्हाण, करण शिंदे, माजी नगरसेवक विक्रम जरग, अजित ठाणेकर, इंद्रजित बोंद्रे, सुजय पोतदार, शहर अभियंता नेत्रदीप सरनोबत, दिलीप माने, विजय जाधव, हेमंत आराध्य, प्रसाद जमदग्नी, शाम जोशी, बाजीराव साळोखे, सुनील जाधव यांच्यासहभागातील नागरिक मोठ्या संख्येने उपस्थित होते.
