Friday, July 19, 2024
Home ताज्या वेश्याव्यवसाय प्रकरणी चौघांना सक्तमजुरीची शिक्षा

वेश्याव्यवसाय प्रकरणी चौघांना सक्तमजुरीची शिक्षा

वेश्याव्यवसाय प्रकरणी चौघांना सक्तमजुरीची शिक्षा

कोल्हापूर/प्रतिनिधी : मुलींच्‍या गरिबीचा फायदा घेवून त्‍यांना वेश्‍या व्यवसायात आणणार्‍या तसेच एका मुलीची विक्री करणार्‍या टोळीला न्‍यायालयाने सक्‍तमजुरीची शिक्षा सुनावली. पुण्‍यात डीजे ऑपरेटींगचा कोर्स शिकणाऱ्या नेपाळी मुलीची या टोळीतील महिलांनी विक्री केल्‍याचा धक्‍कादायक प्रकार समोर आला आहे. दुसरी मुलगी वडिलांच्‍या आजारपणामुळे यामध्‍ये ओढली गेल्‍याचे कारण पुढे आले आहे. जिल्‍हा व सत्र न्‍यायाधीश एस. आर. पाटील यांच्‍यासमोर झालेल्‍या सुनावणीत आरोपी सरीता रणजीत पाटील (वय ४१, रा. पाचगाव, करवीर), विवेक शंकर दिंडे (३१, रा. राजारामपुरी), मनिषा प्रकाश कट्टे (३०, रा. भोसलेवाडी, कोल्‍हापूर) या तिघांना १० वर्षे सक्‍तमजुरी व २९ हजार रुपये दंड ठोठावला. वैभव सतिश तावसकर (२८, रा. पांगरी, सोलापूर) याला दोन वर्षे सक्‍तमजुरी व ४ हजारांचा दंड सुनावण्‍यात आला. आरोपी सरीता पाटील ही कळंबा येथील एका अपार्टमेंटमधील फ्‍लॅटमध्‍ये कुंटणखाना चालवत होती. विवेक दिंडे व वैभव तावसकर हे गरजू व असहाय्य महिलांना वेश्‍या व्‍यवसायासाठी सरीता पाटील हिच्‍याकडे घेवून येत होते. २०१९ मध्‍ये करवीर पोलिसांनी कळंबा येथील या कुंटणखान्‍यावर छापा टाकून पीडित मुलीची सुटका केली होती. करवीर पोलीस ठाण्‍यात गुन्‍हा दाखल होवून याची सुनावणी जिल्हा व सत्र न्‍यायालयात चालली.

नेपाळी मुलीची विक्री –

पोलिसांनी सुटका केलेल्‍या पीडित मुलींपैकी एक मुलगी नेपाळची आहे. ती पुण्यामध्ये डीजे ऑपरेटरचे शिक्षण घेत होती.  तिची मोठी बहीण कोल्हापूरमध्‍ये राहण्‍यास होती. २०१९ मध्‍ये फ्रेन्‍डशिप डे निमित्त आयोजित एका पार्टीसाठी ती कोल्हापुरात आली होती. ती मेकअपसाठी ताराबाई पार्कातील पार्लरमध्‍ये गेली असता आरोपी मनिषा कट्टे हिने ‘तु दिसायला छान आहेस, तुला जॉबपेक्षा जास्त पैसे मिळतील’ असे आमिष दाखवले. तिला पाचगाव येथील बंगल्‍यात नेवून आरोपी सरिताची ओळख करून दिली. त्यानंतर पीडित मुलीला जबरदस्तीने शारीरिक संबंध करण्यास भाग पाडले. तसेच मनिषाने तिची सरीता पाटील हिला विक्री केल्‍याचेही समोर आले.

वडिलांच्‍या आजारपणाचा गैरफायदा-

दुसरी पीडित मुलगी ही अत्यंत गरीब घरातील आहे. तसेच तिचे वडील नेहमी आजारी असल्‍याने त्‍यांच्‍या औषधोपचारामुळे तिला अडचणी होत्‍या. तीदेखील पार्लरच्‍या निमित्ताने आली असता सरीता पाटील हिच्‍याशी ओळख झाली. सरीता पाटील आणि विवेक दिंडे या दोघांनी तिला कळंबा येथील फ्‍लॅटवर नेवून वेश्‍याव्‍यवसायासाठी भाग पाडले.
हा खटला जिल्‍हा व सत्र न्‍यायालयात चालविण्‍यात आला. सरकारी वकील मंजुषा पाटील यांनी दोन्ही पीडित मुलींसह एकूण अकरा साक्षीदार तपासले. पीडित मुलीनी चारही आरोपी विरुध्द घडलेली घटना सविस्तरप्रमाणे सांगितली. या दोन्ही मुलींची साक्ष, वैदयकीय अधिकारी डॉ वृषाली यादव, डॉ. मोहिनी देशपांडे, आशिष मोरे व डॉ शैलेश पाटील यांच्या साक्षी महत्वपूर्ण ठरल्‍या. साक्षीदारांचे जबाब व सरकारी वकिलांचा युक्तीवाद ग्राहय मानून न्‍यायालयाने आरोपींना शिक्षा सुनावली. तपासकामी पोलीस निरीक्षक सुनील पाटील, सागर पोवार, महिला कॉन्‍स्‍टेबल माधवी घोडके, ॲड. वंदना चिवटे यांनी सरकारी पक्षाला मदत केली

LEAVE A REPLY

Please enter your comment!
Please enter your name here

- Advertisment -

Most Popular

घोडावत विद्यापीठतील फार्मसी विभागाच्या विद्यार्थ्यांची नामांकित कंपनीमध्ये निवड

घोडावत विद्यापीठतील फार्मसी विभागाच्या विद्यार्थ्यांची नामांकित कंपनीमध्ये निवड किमया शिंदे व अरिहंत परमाज यांना साडेपाच लाखाचे पॅकेज अतिग्रे/प्रतिनिधी :संजय घोडावत विद्यापीठाने शिक्षण क्ष्रेत्रात अल्पावधीतच आपले नाव...

संजय घोडावत इन्स्टिट्यूटमध्ये डॉ. सुहास देशमुख यांचे विद्यार्थ्यांसाठी मार्गदर्शन कार्यक्रमाचे आयोजन

संजय घोडावत इन्स्टिट्यूटमध्ये डॉ. सुहास देशमुख यांचे विद्यार्थ्यांसाठी मार्गदर्शन कार्यक्रमाचे आयोजन कोल्हापूर/प्रतिनिधी : जागतिक युवा कौशल्य दिनाच्या निमित्ताने विविध कार्यक्रमांतर्गत डॉ. सुहास देशमुख, संचालक, राष्ट्रीय...

हेल्थ इन्श्युरन्स संकल्पनांचे स्पष्टीकरण

हेल्थ इन्श्युरन्स संकल्पनांचे स्पष्टीकरण श्री. भास्कर नेरुरकर हेड - हेल्थ ॲडमिनिस्ट्रेशन टीम, बजाज आलियान्झ जनरल इन्श्युरन्स. तांत्रिक डोमेन आणि कायदेशीर करार असल्यामुळे बहुतांश इन्श्युरन्स संकल्पना या...

केंद्रीय गृहमंत्री अमित शहा सीपीआर भूमिपूजन व जिल्हा बँक नूतन इमारतीच्या उद्घाटनासाठी कोल्हापुरात येणार

केंद्रीय गृहमंत्री अमित शहा सीपीआर भूमिपूजन व जिल्हा बँक नूतन इमारतीच्या उद्घाटनासाठी कोल्हापुरात येणार जुलै अखेरीस किंवा ऑगस्ट पहिल्या आठवड्यात होणार कार्यक्रम,दहा हजार वृक्ष लावण्याची...

Recent Comments