Tuesday, July 23, 2024
Home ताज्या महाराष्ट्र शासनाची खान अकॅडमीसह भागीदारी; सरकारी शाळांमधील विद्यार्थ्यांचे गणित सुधारणार

महाराष्ट्र शासनाची खान अकॅडमीसह भागीदारी; सरकारी शाळांमधील विद्यार्थ्यांचे गणित सुधारणार

महाराष्ट्र शासनाची खान अकॅडमीसह भागीदारी; सरकारी शाळांमधील विद्यार्थ्यांचे गणित सुधारणार

 

कोल्हापूर/प्रतिनिधी : महाराष्ट्र शासनाचा शालेय शिक्षण, क्रीडा विभाग आणि खान अकॅडमी इंडिया यांच्यात भागीदारी करण्यात आली.राज्यातील सरकारी शाळांमध्ये शिक्षण घेणाऱ्या इयत्ता १-१० पर्यंतच्या विद्यार्थ्यांचा गणित विषय सुधारणे हा उद्देश आहे. त्यामुळे मराठी भाषेत गुणवत्तापूर्ण गणित साहित्य उपलब्ध झाल्याने विद्यार्थ्यांना स्वत:च्या भाषेत विषय समजवून घेणे सोपे झाले. महाराष्ट्राच्या ४८८ मॉडेल स्कूलमध्ये पहिल्या टप्प्यात हा नवीन गणित अभ्यास साहित्य तसेच अत्याधुनिक ऑनलाईन स्त्रोत राबवण्यात येणार आहे. याव्यतिरिक्त, या सरकारी शाळांमधील सर्व शिक्षकांना ऑनलाईन शिक्षण संसाधनांचा लाभ घेण्यासाठी प्रत्येक विद्यार्थ्याच्या प्रगतीनुसार व्यक्तिगत अभ्यास अनुभव उपलब्ध करून देण्यासाठी प्रशिक्षित केले जाईल.                    महाराष्ट्र शासन आणि खान अकॅडमी इंडिया २०२१ पासून खान अकॅडमीच्या गुणवत्तापूर्ण साहित्यावर काम करीत असून ७००+ व्हिडिओ, लेख आणि सराव अभ्यास साहित्यांची पुनर्निर्मिती करून खान अकॅडमीसमवेत एससीईआरटीच्या संकेतस्थळावर उपलब्ध करून देण्यात येणार आहे. त्यामुळे विद्यार्थ्यांमध्ये गणित विषयाचे सखोल ज्ञान वाढीस लागेल, ते स्वत:च्या वेगाने, कोणत्याही उपकरणावर मोफत शिकू शकतील. त्याशिवाय शिक्षकांसाठी आवश्यक ती साधने आणि सुनिश्चित वेळेत माहिती उपलब्ध असेल, ज्यामुळे विद्यार्थ्यांच्या आकलनातील त्रुटी समजावून घेणे शक्य होईल, त्यांचे निराकरण वर्गातच, व्यक्तिगत स्तरावर करता येईल.                                                                या भागीदारीचा भाग म्हणून खान अकॅडमीमधील टीम ही महाराष्ट्र शासनाचे २००० हून अधिक शिक्षक, ३६ जिल्हा गट अधिकारी आणि ४८८ प्राचार्यांसमवेत काम करून त्यांना शिक्षण पुरवते आहे. खान अकॅडमीने तयार केलेल्या अभ्यास साहित्याचा वापर आणि वर्गात गणित अभ्यासाची प्रभावी अंमलबजावणी शक्य होईल. महाराष्ट्रातील ४८८ शाळांमधील १,००,००० पेक्षा अधिक विद्यार्थ्यांसाठी वैयक्तिक गणित अभ्यासाचे वातावरण यशस्वीरीत्या राबविण्याचे लक्ष्य पहिल्या टप्प्यात राहील. पुढे आणखी शाळा आणि स्वतंत्र विदयार्थी याचा लाभ घेऊ शकतील. त्यांच्यासाठी संपूर्ण ग्रंथालय मोफत उपलब्ध राहील.खान अकॅडमी उपक्रमाची सुरुवात आंतरराष्ट्रीय महिला दिनी शालेय शिक्षणमंत्री, वर्षा गायकवाड यांच्या हस्ते करण्यात आली. यावेळी त्यांनी भागीदारीबद्दल मनापासून उत्सुकता प्रगट केली. त्या म्हणाल्या “आपले विद्यार्थी हे समाज आणि देशाचे भवितव्य आहेत, त्यांना सर्वोत्तम शिक्षण आणि सुविधा उपलब्ध करून देणे ही आपली जबाबदारी आहे. खान अकॅडमीसारखी संघटना राज्य शासनासोबत भागीदारीत समान ध्येयावर काम करून उत्तम शिक्षणविषयक पायाभूत सुविधा निर्माण करते आहे, याचा मला आनंद वाटतो.”.                                                     या उपक्रमाविषयी शिक्षण विभाग आयुक्त, विशाल सोलंकी म्हणाले, “आमची खान अकॅडमीसमवेतच्या भागीदारीचे उद्दिष्ट हे आमच्या विद्यार्थ्यांना मातृभाषेत तंत्रज्ञानक्षम सुविधेमार्फत जागतिक दर्जाचे अभ्यास साहित्य उपलब्ध करून सर्वोत्तम शिक्षणविषयक पायाभूत सुविधा देण्याचे आहे. शाळा सुरू होत आहेत, आम्ही सर्वोत्तम वर्ग अनुभव उपलब्ध करून देत आहोत, विद्यार्थ्यांना वैयक्तिक अभ्यास पर्याय मिळाल्याने शिक्षणातील तूट भरण्यास हातभार लागेल.” एससीईआरटी संचालक, देवेंद्र सिंग म्हणाले की, एससीईआरटी महाराष्ट्र संकेतस्थळावर नवीन गणित अभ्यास साहित्य उपलब्ध होणार असल्याचा आनंद वाटतो. त्याशिवाय खान अकॅडमीच्या सहकार्याने विद्यार्थ्यांना जागतिक दर्जाचे शिक्षण मोफत उपलब्ध होईल. याविषयी खान अकॅडमीचे एमडी संदीप बापना म्हणाले, “आम्हाला या प्रकल्पासाठी महाराष्ट्र शासनासमवेत काम करताना सार्थ अभिमान वाटतो आहे. त्यामुळे सरकारी शाळांच्या शिक्षणविषयक गुणवत्तेत सुधारणा होणार आहे.”

LEAVE A REPLY

Please enter your comment!
Please enter your name here

- Advertisment -

Most Popular

मराठा क्रांती मोर्चाचे समन्वयक दिलीप पाटील यांचे निधन

मराठा क्रांती मोर्चाचे समन्वयक दिलीप पाटील यांचे निधन कोल्हापूर/प्रतिनिधी : मराठा क्रांती मोर्चाचे समन्वयक आणि न्यायालयाचे याचिका कर्ते दिलीप पाटील यांचे काल शनिवारी कराड नजीक...

सततच्या पर्जन्यवृष्टीमुळे पंचगंगा नदीची पाणी पातळी ३६ फुटावर

सततच्या पर्जन्यवृष्टीमुळे पंचगंगा नदीची पाणी पातळी ३६ फुटावर कोल्हापूर/२० जुलै (वार्ता.) - कोल्हापूर जिल्ह्याच्या धरणक्षेत्रात सातत्याने होणार्‍या पावसाने कृष्णा, वारणा, पंचगंगा, दूधगंगा या नद्यांच्या पाणी...

घोडावत विद्यापीठतील फार्मसी विभागाच्या विद्यार्थ्यांची नामांकित कंपनीमध्ये निवड

घोडावत विद्यापीठतील फार्मसी विभागाच्या विद्यार्थ्यांची नामांकित कंपनीमध्ये निवड किमया शिंदे व अरिहंत परमाज यांना साडेपाच लाखाचे पॅकेज अतिग्रे/प्रतिनिधी :संजय घोडावत विद्यापीठाने शिक्षण क्ष्रेत्रात अल्पावधीतच आपले नाव...

संजय घोडावत इन्स्टिट्यूटमध्ये डॉ. सुहास देशमुख यांचे विद्यार्थ्यांसाठी मार्गदर्शन कार्यक्रमाचे आयोजन

संजय घोडावत इन्स्टिट्यूटमध्ये डॉ. सुहास देशमुख यांचे विद्यार्थ्यांसाठी मार्गदर्शन कार्यक्रमाचे आयोजन कोल्हापूर/प्रतिनिधी : जागतिक युवा कौशल्य दिनाच्या निमित्ताने विविध कार्यक्रमांतर्गत डॉ. सुहास देशमुख, संचालक, राष्ट्रीय...

Recent Comments