कोल्हापूर काँग्रेसचे उत्तरचे आम उद्योजक खेळाडू चंद्रकांत जाधव यांचे हैद्राबाद येथे निधन
कोल्हापूर : उत्तर विधानसभा मतदारसंघाचे काँग्रेसचे आमदार उद्योजक फुटबॉलपटू चंद्रकांत जाधव यांचे आज गुरुवारी निधन झाले. गेल्या काही दिवसांपासून त्यांच्यावर हैदराबाद मधील रुग्णालयात उपचार सुरु होते.त्यांच्यावर शस्त्रक्रिया करण्यात आली होती ती यशस्वी न झाल्याने आज गुरुवारी त्यांची प्राणज्योत मालवली असल्याचे निकटवर्तीय यांनी सांगितले आहे.
दुपारी एक पर्यंत त्यांचे पार्थिव कोल्हापुरात आणण्यात येणार आहे. उद्योजक आम.जाधव यांचा कोल्हापूर शहरातील अनेक तालीम मंडळाशी फुटबॉललच्या माध्यमातून थेट संपर्क होता. त्याबरोबरच राजकीय व सामाजिक कार्यातून त्यांनी मोठा जनसंपर्क निर्माण केला होता. उद्योजक जाधव यांच्या निधनाबद्दल सकाळी सोशल मीडियावर समजताच कोल्हापूर शहर व जिल्ह्यातून हळहळ व्यक्त करण्यात येत आहे.
२०१९ मध्ये झालेल्या विधानसभा निवडणुकीत जाधव यांनी काँग्रेसच्या चिन्हावर निवडणूक लढवून विजय प्राप्त केला होता. त्यांनी उद्योजक म्हणून तर अनेकांना रोजगार दिले होते.कोल्हापूर शहरात त्यांनी अनेक विकासकामे हाती घेतली होती.कोल्हापूरमधून एक चांगला माणूस निघून गेल्याने कोल्हापूर जिल्ह्यात शोककळा पसरली आहे
