Monday, July 15, 2024
Home ताज्या डार्लिंग'चं नवं गाणं 'मनाचं पाखरु ' रसिकांच्या भेटीला

डार्लिंग’चं नवं गाणं ‘मनाचं पाखरु ‘ रसिकांच्या भेटीला

डार्लिंग’चं नवं गाणं ‘मनाचं पाखरु ‘ रसिकांच्या भेटीला

कोल्हापूर/प्रतिनिधी : १० डिसेंबर २०२१ रोजी रिलीज होणाऱ्या ‘डार्लिंग’ या आगामी बहुप्रतिक्षीत मराठी चित्रपटाची सर्वांनाच उत्सुकता आहे. हि उत्सुकता आणखी ताणणारं ‘डार्लिंग’मधील ‘मनाचं पाखरू…’ हे नवं कोरं लाँच करण्यात आलं आहे. 7 हॉर्स एंटरटेनमेंट प्रा. लि., व्ही. पतके फिल्म्स आणि कथाकार मोशन पिक्चर्सच्या बॅनरअंतर्गत निर्माते अमित धुपे, अजय ठाकूर, व्ही. जे. शलाका आणि निखील खजिनदार यांची निर्मिती असलेल्या ‘डार्लिंग’नं चित्रपटगृहांमध्येच प्रेक्षकांना भेटण्याचं आपलं वचन पाळलं आहे. या चित्रपटाचे रिलिजिंग पार्टनर आणि वितरक पिकल एंटरटेनमेंटचे समीर दीक्षित आणि ऋषिकेश भिरंगी आहेत. विविध कारणांमुळं सुरूवातीपासून लाइमलाईटमध्ये असलेल्या या चित्रपटाचं दिग्दर्शन समीर आशा पाटील यांनी केलं आहे.
‘डार्लिंग तू…’ या टायटल साँगनंतर ‘ये है प्यार…’ हे ‘डार्लिंग’मधील रोमँटिक साँगला प्रेक्षकांची चांगलीच पसंती मिळाल्यानंतर ‘मनाचं पाखरू…’ हे गाणंही रसिकांच्या मनाचा ठाव घेणार आहे. मंदार चोळकरनं लिहिलेलं हे गाणं शुभांगी केदार यांनी गायलं असून, संगीतकार चिनार-महेश यांनी संगीतबद्ध केलं आहे. या गाण्याची सुरुवात हळदीची उधळण आणि सनईच्या पवित्र सूरांनी होते. मराठमोळ्या परंपरेनुसार जात्याची पूजा करून आणि सुवासिनींच्या कपाळाला हळद-कुंकू लावून जात्यावर हळकुंड दळण्याची पूर्वापार चालत आलेली संस्कृती या गाण्यात दाखवण्यात आली आहे. ‘हळदीच्या रंगानं रुप सजलं बाई…’ हे हळूवार गाणं सुरू होतं. नायिका रितिका श्रोत्रीच्या हातांवर मेहंदी काढण्याची दृश्यं आणि तिच्या भोवतीचा मैत्रीणींचा घोळका लग्नसोहळ्याची आठवण करून देण्यासाठी पुरेसं ठरतं. या गाण्यात रितिकाचं सौंदर्य अधिकच खुलून दिसतं. दुसरीकडे प्रथमेश परब खिन्न मनानं बसलेला आहे. रितिकाचंही विवाह सोहळ्यातील रितीरिवाज आणि परंपरांकडं लक्ष नसून, तिच्या मनाचं पाखरू आपल्या डार्लिंगच्या शोधात हरवल्याचं जाणवतं. तिकडे निखिल चव्हाणही उदास चेहऱ्यानं बसलेला असल्यानं हे गाणं चित्रपटात नेमकं काय दाखवणार याबाबत उत्सुकता वाढते.
थोडक्यात काय तर भावनांचा गुंता या गाण्यात पहायला मिळतो. भावनांचा हा गुंता कसा सोडवला जातो ते ‘डार्लिंग’ पाहिल्यावरच समजणार आहे. रितिकाच्या ‘मनाचं पाखरू…’ नेमकं कोणाचं होणार याचं उत्तरही चित्रपटातच मिळणार आहे. या भावनांचे सोहळे अपरंपार, भेटूया सहकुटुंब, सहपरिवार फक्त चित्रपटगृहात या गाण्याच्या अखेरीस येणाऱ्या दोन ओळी रसिकांना सिनेमागृहात येण्याचं जणू आमंत्रणच देत असल्याचं जाणवतं. व्हिडीओ पॅलेसच्या माध्यमातून ‘डार्लिंग’च्या गाण्यांची प्रस्तुती केली जात आहे. दिग्दर्शनासोबतच ‘डार्लिंग’चं लेखनही समीर आशा पाटील यांनीचं केलं आहे. यात मंगेश कदम, आनंद इंगळे आदी कलाकारांच्या महत्त्वपूर्ण भूमिका पहायला मिळणार आहेत

LEAVE A REPLY

Please enter your comment!
Please enter your name here

- Advertisment -

Most Popular

कोल्हापूरमधील प्रसिद्ध व्यावसायिक हेमंत शहा,मदन भंडारी आणि प्रताप कोंडेकर यांनी चक्क ७० दिवसात कोल्हापूर ते लंडन केला २० देशांचा थरारक प्रवास

सेव्ह वॉटर सेव्ह नेचर.... या 'कोल्हापूर ते लंडन' या जनजागृती संदेश यात्रेच्या माध्यमातून कोल्हापूरच्या चार मित्रांनी कोल्हापूरचे नाव कोरले लंडनच्या हृदयावर कोल्हापूरमधील प्रसिद्ध व्यावसायिक हेमंत...

कोल्हापूरच्या उघोग विश्वाची होणार नवी रोजगार उपलब्धीसह विधायक ओळख – व्यवस्थापकीय संचालक तुषार शेळके

जगप्रसिद्ध ब्रीक्स्टन मोटरसायकल्स आणि व्ही एल एफ इलेक्ट्रिक टू-व्हीलर्स भारतात संयुक्त निर्मिती सह वितरीत करण्यासाठी केएस डब्ल्यू वेलोसे मोटर्स सज्ज कोल्हापूरच्या उघोग विश्वाची होणार नवी...

रोटरी क्लब ऑफ कोल्हापूर मिड टाऊनच्या अध्यक्षपदी सौ. अरूंधती महाडिक तर उपाध्यक्षपदी मिरा कुलकर्णी यांची निवड

रोटरी क्लब ऑफ कोल्हापूर मिड टाऊनच्या अध्यक्षपदी सौ. अरूंधती महाडिक तर उपाध्यक्षपदी मिरा कुलकर्णी यांची निवड कोल्हापूर/प्रतिनिधी : रोटरी क्लब ऑफ कोल्हापूर मिडटाऊनच्या अध्यक्षपदी सौ....

नेहरूनगर येथील दत्त भक्त मंडळाने सामाजिक बांधिलकी जपत केली मिरजकर तिकटी येथील अंधशाळेस आर्थिक मदत

नेहरूनगर येथील दत्त भक्त मंडळाने सामाजिक बांधिलकी जपत केली मिरजकर तिकटी येथील अंधशाळेस आर्थिक मदत कोल्हापूर/प्रतिनिधी : कोल्हापूर येथील आयसोलेशन हॉस्पिटल परिसरातील श्री दत्त मंदीर...

Recent Comments