Tuesday, July 23, 2024
Home ताज्या खासदार संभाजीराजे छत्रपती यांची रांगणा किल्ल्यास भेट

खासदार संभाजीराजे छत्रपती यांची रांगणा किल्ल्यास भेट

खासदार संभाजीराजे छत्रपती यांची रांगणा किल्ल्यास भेट

कोल्हापूर/प्रतिनिधी : खासदार संभाजीराजे छत्रपती यांनी आज रांगणा किल्ल्यास भेट दिली. यावेळी संभाजीराजे यांनी संपूर्ण दिवसभर रांगणा किल्ल्याची पाहणी केली. यावेळी शाहूपुत्र छत्रपती राजाराम महाराजांनी जिर्णोद्धार केलेल्या गडावरील रांगणाई देवीच्या मंदिरासही संभाजीराजेंनी भेट देऊन दर्शन घेतले.
रांगणा किल्ला छत्रपती शिवाजी महाराजांच्या ताब्यात आल्यापासून तो अखेरपर्यंत स्वराज्यात होता. या गडाने जो सुवर्णकाळ अनुभवलेला आहे तो त्याला परत करण्याची जबाबदारी आपल्या सर्वांची आहे. या किल्ल्याच्या संवर्धनासाठी मी स्वतः प्रयत्न करून पाच कोटी रुपये मंजूर करून आणले होते, पण पुरातत्व विभागाच्या अक्षम्य दुर्लक्षामुळे या गडाचे संवर्धन निकृष्ट पद्धतीचे झालेले आहे, असे आज मला पाहताक्षणी दिसून येत आहे. निसर्गाच्या सौंदर्यांची मुक्त उधळण झालेल्या या किल्ल्याला त्याचे गतवैभव मिळवून देण्यासाठी पुरातत्व विभागाच्या अधिकाऱ्यांनी या किल्ल्यास स्वतः भेट देणे आवश्यक आहे व त्याचे शास्त्रोक्त पद्धतीने संवर्धन करण्यासाठी प्रयत्न करणे गरजेचे आहे. या गडावर अनेक ऐतिहासिक वास्तूंचे अवशेष आहेत. त्यामुळे याठिकाणी उत्खनन होणे गरजेचे आहे. गडावरील अनेक तोफा या खोल दरीमध्ये कोसळल्या आहेत त्यांचा शोध घेऊन त्यांना पुनर्स्थापित करण्याचे काम पुरातत्व विभागाने करणे अपेक्षित आहे, असे यावेळी बोलताना संभाजीराजे म्हणाले.
तसेच गडाखाली दरीत पडलेल्या तोफा शोधणाऱ्या सर्व दुर्गप्रेमींचे अभिनंदन छत्रपती संभाजीराजे यांनी केले. छत्रपती शिवाजी महाराजांचे फक्त नाव घेऊन राज्य करणाऱ्या लोकांपेक्षा छत्रपती शिवाजी महाराजांची जिवंत स्मारक असणारे गडकिल्ले याचे संवर्धन करणाऱ्या तरुणांचा सहवास मला भावतो असे मत छत्रपती संभाजीराजे यांनी रांगणा किल्ला भेटीदरम्यान व्यक्त केले.
यावेळी संभाजीराजे यांच्यासोबत इतिहास अभ्यासक राम यादव, सचिन भांदिगरे, रविराज कदम, संग्राम पोफळे व परिसरातील शिवभक्त व दुर्गप्रेमी उपस्थित होते.

LEAVE A REPLY

Please enter your comment!
Please enter your name here

- Advertisment -

Most Popular

मराठा क्रांती मोर्चाचे समन्वयक दिलीप पाटील यांचे निधन

मराठा क्रांती मोर्चाचे समन्वयक दिलीप पाटील यांचे निधन कोल्हापूर/प्रतिनिधी : मराठा क्रांती मोर्चाचे समन्वयक आणि न्यायालयाचे याचिका कर्ते दिलीप पाटील यांचे काल शनिवारी कराड नजीक...

सततच्या पर्जन्यवृष्टीमुळे पंचगंगा नदीची पाणी पातळी ३६ फुटावर

सततच्या पर्जन्यवृष्टीमुळे पंचगंगा नदीची पाणी पातळी ३६ फुटावर कोल्हापूर/२० जुलै (वार्ता.) - कोल्हापूर जिल्ह्याच्या धरणक्षेत्रात सातत्याने होणार्‍या पावसाने कृष्णा, वारणा, पंचगंगा, दूधगंगा या नद्यांच्या पाणी...

घोडावत विद्यापीठतील फार्मसी विभागाच्या विद्यार्थ्यांची नामांकित कंपनीमध्ये निवड

घोडावत विद्यापीठतील फार्मसी विभागाच्या विद्यार्थ्यांची नामांकित कंपनीमध्ये निवड किमया शिंदे व अरिहंत परमाज यांना साडेपाच लाखाचे पॅकेज अतिग्रे/प्रतिनिधी :संजय घोडावत विद्यापीठाने शिक्षण क्ष्रेत्रात अल्पावधीतच आपले नाव...

संजय घोडावत इन्स्टिट्यूटमध्ये डॉ. सुहास देशमुख यांचे विद्यार्थ्यांसाठी मार्गदर्शन कार्यक्रमाचे आयोजन

संजय घोडावत इन्स्टिट्यूटमध्ये डॉ. सुहास देशमुख यांचे विद्यार्थ्यांसाठी मार्गदर्शन कार्यक्रमाचे आयोजन कोल्हापूर/प्रतिनिधी : जागतिक युवा कौशल्य दिनाच्या निमित्ताने विविध कार्यक्रमांतर्गत डॉ. सुहास देशमुख, संचालक, राष्ट्रीय...

Recent Comments